بمبلوني سيدي بوسعيد
ما تنجمش تمشي لسيدي بو سعيد و ما تاكلش البمبلوني.
هي أشهر حلويات سيدي بو سعيد و جزء من التراث التونسي.
انجح قابلت صاحب أقدم محل متخصص في صنع البمبلوني و الأشهر في سيدي بوسعيد : “حانوت المنصوري”إللي تأسس في الثلاثينات و صاحبو ورث صناعة البمبلوني من أجدادو.
الحانوت هذي من عام 1932 و نعملو في الصنعة هذي البمبلوني المتميزة بنوع من العجينة نعملوها في الصيف في و في البرد.
عمار : صانع بمبلوني
تتميز البمبلوني ببساطة مكوناتها هي عبارة على عجينة مخمرة مقلية في الزيت تتغطى بالسكر وإلا بالعسل.
رغم بساطة مكوناتها إلا أنها تستحق صنعة اليدين .
“السر متاعها في الصنعة نجم أنا نقلك أعمل فارينة و ماء و ملح و خميرة و كذا ما تجيش كيما إللي نعملها أنا خاطرها خبرة”
عمار : صانع بمبلوني
أما تعرفشي أصل كلمة “البمبلوني” ؟
كلمة “بمبلوني” هي مشتقة من الكلمة الإيطالية bomboloni معناها الدوناتس الإيطالية إللي تتميز بطعمها البنين صحيح هي أصلها إيطالي أما يبقى صنعها تونسي و يجيوها الناس من العالم الكل.
باش تتعرفو أكثر على بمبلوني سيدي بوسعيد تفرجو في الفيديو
ولاء الحبلي