ختامها شيرين
هكا كان كلام الجمهور الحاضر في حفل إختتام مهرجان قرطاج الدولي 2022 إللي أحياتو الفنانة المصرية شيرين عبد الوهاب بحضور عشرات من وسائل الإعلام العربية وبإقبال جماهيري كبير قدمت شيرين شكر للجمهور التونسي إللي كان يغني معاها و رجعها للحياة كيما قالت.
نشكر فيها الجمهور التونسي إللي رحعني مرة ثانية للحياة.
شيرين : فنانة مصرية
الحفل كان حاضر فيه السفير المصري بتونس و طبيبها إللي شجعها و أصر على حضورها للحفلة.
و نشكر ناس معينين و قفو معايا برشا في الفترة النفسية الأخيرة و قداش أنا كنت ممتنة برشا بسيادة السفير المصري إللي أنا نغني بحضورو اليوم على دعوتي لمهرجان قرطاج إللي هو يحيي أي إنسان يكون ميت و أنا كنت ميتة ونحب نشكر الدكتور نبيل عبد المنصور دكتوري إللي رجعني للحياة بالحق من جمعتين أنا قتلو موش باش نجم نغني قالي باش تنجم و أنا باش نجي معاك و نشكر الفرقة و نشكركم إنتوما يا أغلى ناس.
شيرين : فنانة مصرية
انجح كانت حاضرة و نقلت أجواء الحفل.
بدات شيرين بغنايتها الجدد كيما رجعت لأنجح أغانيها القديمة إللي لليوم مازالو في ذاكرة التوانسة و غنات بإحساس كبير إللي كان ظاهر على صوتها هذوما أكثر الغنايات إللي شاخو عليهم الحضور و تفاعلو معاهم .
بما أنها أول حفل ليها في تونس بعد الأزمة النفسية إللي تعرضتلها مؤخرا إللي كانت عندها تأثير على وقفتها على الركح إللي خلى الجمهور يعلق منهم إللي شجعها و منهم إللي كان رايو مخالف.
و في الأخير ختمت شيرين حفلتها بكلمة “أنا بحبكم “.
باش تابعو حفلة شيرين و تسمعو أغانيها تفرجو في الفيديو
ولاء الحبلي