هل تخدم في خدمة أحلامك ؟ هذوما علامات تدل على أنك تحب خدمتك
كيفاش تتأكد أنك تخدم في مهنة أحلامك ؟ يقدمو الخبراء شوية من العلامات إللي تدل على أنك تخدم في وظيفة أحلامك، بحسب تقرير للكاتبة “ليندساي تيجار” نشرو موقع “بيزنس إنسايدر” الأميركي.
تعرف نقاط قوتك و ضعفك
وقتلي تتعين في منصب جديد، وإلا تتحصل على فرصة عمل تتلاءم مع مواهبك الفطرية، فإنك تقدم أداء باهي في حياتك المهنية.
وهكا باش تعرف نقاط قوتك ونقاط ضعفك في الخدمة، و توصل للممرحلة هذي من الوعي الذاتي مع الوقت والخبرة.
ووفقا لخبيرة الحياة المهنية “أماندا أوغستين” “يفترض أنو تكون الخدمة الملائمة فرصة باش تبينلك نقاط قوتك، وتيحلك لك فرصة التطور باستمرار”.
تربط بين حياتك الشخصية و المهنية
وقتلي تتمكن من تحقيق مسار وظيفي ناجح أكيد باش تلقى طاقة متناغمة تسمحلك بالنجاح في كل الجهود إللي تبذلها و تقدمها . وهذا يخليك تحس أنك تقوم بحاجات رائعة تحظى بتقدير وإعجاب الناس الكل، لأنها تخدم مصالح المجتمع ، حسب خبيرة الحياة المهنية “جوي ألتيماري”.
وتضيف ألتيماري “وقتلي يصير هذا، باش تحس كأنك تعيش حياتك على بشكل مثالي، كيما نظرتك للعمل تتغير للأفضل”.
تحب تتعلم و تتطور
الشهرية وأوقات العمل المرنة هي من أكثر الأمور إللي أي شخص يلوج عليها في مواصفات الوظيفة. لكن إذا ما وفرتلكش الوظيفة هذي فرصة للتقدم والتطور، فتأكد أنك تقلل من قيمة نفسك.
وتقول “أوغستين” أنو أفضل الوظائف هي إللي تمنحك فرص لتعزيز و تطوير مهارتك كيما تأكد أنو “الرغبة في التعلم تخليك منشغل وسعيد كيما تخليك تضمن أنك ماكش تتهاون في خدمتك “.
خدمة متعبة لكنك فرحان
في الحقيقة باش تحس بتعب و إرهاق بغض النظر عن مجال خدمتك و إلا رتبتك. لكن إذا كنت تخدم في مهنة أحلامك، فإنك تحس أنها أمور بسيطة و باش تتعدى.
تحس بالحماس بمجرد أنك تتفكر الخدمة
أغلب الموظفين يكرهو بداية الأسبوع، لكن إذا كنت تحس بالعكس، فتأكد من أنك تخدم في الوظيفة إللي تحبها. فالشخص المتحمس لخدمتو دليل على السعادة، ساعات تحس أنك تحب التفكير في خدمتك و هذا ما يقلقكش.
ولاء الحبلي