بإللي عندك .. طريقة يابانية باش تعيش في سلام داخلي
معنى “الفرحة” و إلا “السعادة” يختلف من شخص لاخر. والكلنا نسعاو ديما باش نلقاو الطريقة إللي تخلينا نحسو بالفرحة سواء، السعي لتحسين وضعنا الاجتماعي، و إلا يكون عنا حساب بنكي كبير، و إلا تكوت حياتنا معبية بالتجارب والخبرات إلى غير ذلك.
وتتمثل الحقيقة في أنو كل شخص عندو طريقتو الخاصة لتحقيق السعادة، كيما مع اليابانيين إللي يستخدمو طريقتهم الخاصة للعيش في سلام بإللي عندهم. ويقدم المعلم الياباني، “كين هوندا”، مفاتيح للحفاظ على علاقة صحية مع الفلوس ويأكد أنو السعادة ما تجيش بالثروة المفاجئة.
طريقة ماري كوندو
ملايين الأشخاص اكتشفوا الصيغة المناسبة باش يكونو سعداء ومكتفين بالفلوس إللي عندهم ، من الكتاب الأكثر مبيعا، تطبع منو سبعة ملاين نسخة وعنوانو “طريقة ماري كوندو للتمويل الشخصي” للمعلم والمؤلف الياباني، “كين هوندا”، إللي ولى قدوة و مثال لشخص من عشرين شخص في الإقليم الآسيوي. حسب الكاتب، فرنثيسكو سانتشاث، في تقرير نشرتو صحيفة “الكونفدنسيال” الإسبانية.
وفي كتابو الأخير “المال السعيد”، يعطي مفاتيح للحفاظ على علاقة صحية مع الفلوس ويعلمنا أنو السعادة لا تأتي بثروة مفاجئة، لكن من خلال معرفة كيفاش نقومو بإدارة إللي عنا بشكل صحيح.
أشار المعلم الياباني إلى أنو في وقتنا هذا، يعيش المجتمع هوس بالفلوس، وبالتالي تتلخص الخطوة الأولى إللي لازم نقومو باتخاذها نحو السعادة في تحرير النفس من ثقل الامتلاك، وهو إللي يتحقق من خلال تغيير العقلية. كيما أنو مفهوم عدم وجود فلوس كافية في العالم يحد من إمكانياتنا. على هذا ، تساعدنا إعادة تعديل تفكيرنا في تحرير أنفسنا.
اكتشاف المواهب
الكلنا تولدنا بموهبة إللي يمكن مازال منا برشا ما غكتشفوهاش في رواحهم. وفي المقابل، من الضروري تثمينها ومشاركتها مع العالم. وباش تقوم بهذا، لازم تخلي الماضي وراك وبالتالي نجمو نوصلو السعيدة.
بالإضافة لهذا يميل الأشخاص الناجحين في أي مجال لحب خدمتهم. وبمجرد اكتشاف موهبتك، تولي العقبات والصعوبات بمثابة تحديات أو مغامرات جديدة، يعني أنو وقتلي تتوقف على أنك تحصر روحك في الماضي، تولي تحس بالرضا .
الثقة في الحياة
بيّن المعلم الياباني أنو المفتاح باش تخلي الحياة بسيطة، يكمن في الثقة بالنفس والناس الدايرين بينا، الثقة في الحياة تعني التركيز على الحاضر وعدم القلق من المستقبل. وإذا نجمنا نعطيو ثقتنا في الحياة نجمو نحققو الإبداع ونتحررو من القيود والخوف من المجهول وبهكا خاصة باش نستفيدو من الإيجابيات والسلبيات إللي توفرهالنا الحياة.
عبر على الشكر
القدرة على التعبير على الشكر، حتى في الحالات إللي ما تمشيش فيها الأمور كيما نحبو إلا أنو لازمنا نكونو ممتنين لذواتنا الداخلية. كيما أنو كي نطبقو طاقة الامتنان الإيجابية هذي تتوفرلنا العديد من الفرص من خلال جذب الناس لينا.
ويوضح “كين هوندا”، أنو الحياة مليئة بالتجارب إللي لازم نعيشوها ونتعلمو منها، كيما لازم ما نعطيوش أهمية كبيرة للفلوس، نظرا لأنو السعادة ما تتطلبش برشا فلوس. أما الإبداع والمجازفة والامتنان تحللنا البيبان قدام فرص جديدة توصلنا للسعادة.
ولاء الحبلي