هل الفلوس بالحق تحسسنا بالفرحة ؟ هذا شنوة لقات دراسة أمريكية
“هل الفلوس تشري الفرحة؟ موش ديما، لكن الفلوس بالتأكيد ما تضرش”. هذه هي خلاصة دراسة أميركية جديدة.
الدراسة إللي عملتها مؤسسة “والت هاب” (Wallet Hub) لأكبر 182 مدينة في أميركا ونشرتها منصة”ستدي فايند” (StudyFinds)، لقات أنو مدينة “فريمونت” بولاية “كاليفورنيا” تتصدر قائمة أسعد المدن في الولايات المتحدة، رغم أنها ماهيش الأغنى و إلا الأكثر دخل، بما أنها احتلت المرتبة 50 من حيث متوسط دخل الفرد.
الباحثين صنفوا كل ى عدة عوامل اعتمدوها للإجابة على السؤال هذا أهمهم: الرفاهية العاطفية والجسدية للسكان، والدخل ومعدلات التوظيف، والمجتمع المحلي والبيئة وإللي تشمل معدل الطلاق والطقس ومدى انتشار الجريمة.
واحتلت مدينة “فريمونت” المرتبة الأولى بين كل المدن الأميركية وقتلي يتعلق الأمر بالرفاهية العاطفية والجسدية، وهو مؤشر يقيس معدلات الاكتئاب المحلية، ومتوسط العمر المتوقع، والأمن الغذائي، وحتى المشاركة المحلية في الرياضة. كيما احتلت المدينة المرتبة الثانية في قضايا المجتمع والبيئة، واحتلت المرتبة الـ50 من حيث متوسط الدخل.
المدن الخمس الأولى الأكثر سعادة هوما: كولومبيا، وميريلاند، وسان فرانسيسكو، وسان خوسيه، وإيرفين في ولاية كاليفورنيا. السؤال لهنا شنية الحاجة المشتركة بيناتهم؟
حسب دراسة “والت هاب” (Wallet Hub)، فإنو المدن هذي تحتل المراكز الخمسة الأولى من حيث الصحة والرفاهية العاطفية والجسدية.
دراسة أخرى قامت بيها جامعة برشلونة الإسبانية في عام 2021، لقات أنو الناس في المجتمعات إللي فيها شوية فلوس راضين وفرحانين وهذا على خاطرهم يلقاو الفرحة في جوانب أخرى كيما العائلة و الطبيعة و الفلوس ماهيش حاجة أساسية بالنسبة للأشخاص هذوما.
في المقابل، أكيد أنو كسب الفلوس يساهم في جعل الحياة أسهل. احتلت “سان فرانسيسكو” المركز الأول في المقارنة بين معدلات الدخل والتوظيف في الدراسة إللي قامت بيها”والت هاب”.و تم فحص حسب مقاييس نمو دخل كل مدينة، ومعدل الفقر، والرضا الوظيفي، وعدد الأشخاص إللي يدخلو أكثر من 75 ألف دولار في العام.
القناعة كنز لا يفنى
وقتلي يكونو الناس أقل طلب وأكثر قناعة يكونو أكثر سعادة، القناعة والرضا هوما مفاتيح مهمين للسعادة.
و في الأخير يقولو أنو السعادة ما تتشراش بالفلوس، وهذا صحيح، ولكن الصحيح أنو الفلوس قادرة على شراء “حزن أقل”، توصلت دراسة حديثة تقامت في جامعة “بريتيش كولومبيا” الكندية لأنو الدخل المالي المرتفع ماهوش مربوط بمقدار السعادة إللي يحس بيها الشخص، ولكنو مربوط بشعورو بالحزن بشكل أقل.
ولاء الحبلي