شنوة باش تربح قطر من تنظيم مونديال 2022 ؟
من 11 سنة لتالي كيف ربحت قطر إستضافة كأس العالم صرفت قرابة 719 مليار دينار وهذا أغلى كأس عالم في التاريخ. شنوة باش تربح قطر من تنظيم من مونديال 2022 ؟
1-الإستثمارات اللي باش تبقى بعد المونديال
إختارت قطر الاستثمار في البنية التحتية في تحضيراتها للمونديال وماتجاوزتش الإستثمارات في الملاعب في قطر أكثر من 4% من إجمالي الإستثمارات وين تكلفت تقريبا 22 مليار دينار وباقي الإستثمارات تخصصت لمشاريع البنية التحتية خاصة في قطاع النقل والفنادق.
توقع صندوق النقد الدولي أنو معدل النمو في قطر باش يبلغ 4.4% في 2022 وهذا بسبب أكثر من عامل, منهم إزدهار الأنشطة المرتبطة بمونديال 2022 .باش يكون فما أكثر مليون ونص سائح في المونديال حسب توقعات “capital economics” البريطانية ,قطر باش تربح أكثر من 22 مليار دينار من السياحة كهو .
2-الإستثمار في البيئة
هو من أهم التحضيرات لمونديال 2022 اللي باش يخلي أثر كبير في قطر
الإستثمارات هذه تتمثل في :
1-حملات تشجير
2-تدشين محطة للطاقة الشمسية اللي باش تلبي 10% من إحتياجات قطر
3-تأسيس شبكة مواصلات كهربائية
باش تعرف أكثر تفاصيل تفرج في الفيديو
بلسم العابد