مشروعك فشل .. هذا شنوة تعمل !
الفشل هو جزء مهم في حياتنا خاصة لرواد الأعمال و أصحاب المشاريع الخاصة . لكن الفشل هو بداية النجاح خاصة كي تتعلم منو و تتقبلو باش تنجم تنجح.
99% من أصحاب أكبر الشركات العالمية و أغنى الأشخاص في العالم فشلو أكثر من مرة كيما “جاك ما” و هو رائد أعمال صيني و من أغنى الأشخاص في العالم إللي فشل و ترفض من 6 جامعات لكنو ما سلمش و هذا ينجم يكون مثال على أنو الفشل هو الخطوة الأولى للنجاح.
ما لازمكش تأيس و هذوما حاجات تنجم تعملهم كان فشل مشروعك .
1-إقبل الفشل
هذا هو الجزء الصعيب ولكنو الأكثر أهمية. الصدمة والإنكار للفشل هوما مشاعر عادية من الأول في الفترة الأولى من فشل و إلا خسارة مشروعك خاصة إذا كنت بالحق مستثمر في فكرتك.
تذكر أنك كصاحب مشروع إنت قريب برشا من رؤية الوضع بوضوح. أسمع شركائك وموظفيك وأصحابك. ساعات هوما يعاونوك باش يقللولك من الخسائر و ياقفو معاك معنويا.
تأكد أنو الفشل هو من أول الخطوات للنجاح بما أنو من غير فشل ما تنجمش تتعلم و إلا تعرف أخطائك.
2-خمم بإيجابية
الفشل هو تجربة عاطفية. الصدمة والنكران و خيبة الأمل يتسببولك حتى في تغييرات جسديةو تعب جسدي إللي يأثر على شخصيتك و تصرفاتك .
أسمح لروحك باش تحس بالمشاعر هذي ميسالش ..لكن من بعد تغلب عليها.
ما تخليش الفشل يحسسك بالضعف و قلة ثقتك في روحك وهذا بدورو يقلل من دافعك أنك تحاول مرة أخرى.
3-أعرف علاش مشروعك فشل ؟
بعد ما تتغلب على الإنفعالات لهنا يبدأ العمل الحقيقي. حلل أخطاءك مع فكرة شركتك الفاشلة وعلاش ما نجحتش جهودك .. هذا هو الجزء الأكثر إنتاجية من الفشل. لكن من غير ما تفهم شنوة بالضبط السبب وراء الفشل ما تنجمش تستخدمو في إتخاذ القرارات المستقبلية الصحيحة.
4-عاود أعرف معنى “النجاح “
بعد ما تعيد النظر في الفشل متاعك وقيت باش تتجاوز المرحلة هذي و تعاود تحدد معنى النجاح.
أختار مشروع جديد. شارك في حاجة إنت مغروم بيها. أنك تحط أهداف جديدة توفر لك الفرصة باش تطبق إللي تعلمتو من مغامرتك و تجربتك الفاشلة.
5- خليك ديما متفائل
الفشل يخليك تحس بعدم الثقة و يقللولك من أنك كل مرة تقدم خطوة لقدام .
وقتلي تبدأ مشروع جديد بعد الفشل من المهم أنك تراقب سلوكك.
رد بالك يأثر الفشل إللي تعديت بيه على إنتاجيتك و أفكارك.
و ديما خمم أنو تنجم تحول الفشل لنقطة إنطلاق توصلك للنجاح.
ولاء الحبلي