ممثلين توانسة في هوليوود !
هوليوود, أهم صناعة سنمائية في العالم والأصعب في تحقيق النجومية, لكن فما برشا عرب نجحو في دخول الصناعة هاذي وحققو فيها نجاحات بأعمالهم, من بينهم توانسة اللي البعض منهم كان ضيف “انجح” كيما حافظ الدخلاوي والبعض الأخر كانو موجودين في فيديوات “انجح” كيما مروان الكنزاري وسنية بن عمار وغيرهم من الممثلين اللي باش نحكيو عليهم في المقال هذا.
1) حافظ الدخلاوي
ممثل تونسي, بدى مسيرتو سنة 2003 في الفيلم التونسي “نادية وسارة” من بعد هاجر لفرنسا وين انطلقت مسيرتو في الافلام والمسلسلات بأدوار صغيرة. بعد أكثر من 300 تجربة أداء قدمها في هوليوود تحصل على أول دور ليه في فيلم روسي أمريكي اللي كان السبب في انطلاق مسيرتو الفنية اللي وصلت اليوم لأكثر من 40 فيلم أخرهم الفيلم الاسترالي the spy who never dies اللي لقى نجاح كبير في قاعات السينما الاسترالية.
2) مروان الكنزاري
ممثل هولندي من أصل تونسي, ظهورو الأول في السينما كان في فيلم katia’s sister سنة 2008 من بعدها فيلم rabat عام 2011 من بعدها شارك في عدة أفلام أمريكية الى جانب ممثلين معروفين كيما فيلم What happened to monday و فيلم Black adam الى جانب الممثل الامريكي The rock, أخر أفلامو في هوليوود كان Aladin سنة 2019 اللي مثل فيه دور جعفر الى جانب الممثل الأمريكي ويل سميث. فاز بجائزة Golden calf سنة 2013 عن فيلم wolf وجائزة أفضل ممثل في مهرجان هولندا السينمائي.
3) سنية بن عمار
عارضة أزياء, ابنة المنتج تونسي “طارق بن عمار” والممثلة البولندية بياتا بن عمار. بدات مسيرتها بعروض الازياء لصالح ماركات عالمية كبرى منهم Chanel, Dolce and Gabbana و Miu Miu. دخلت لسينما هوليوود مؤخرا بالجزء الأخير لفيلم الرعب الامريكي Scream اللي تم اطلاقو في بداية 2022 ولقى أدائها استحسان الجمهور.
4) مهدي الدهبي
ممثل بلجيكي من أصل تونسي, من مواليد عام 1985, التحق بالمعهد الوطني للفنون الدرامية بباريس سنة 2003 وبعد كمل دراسة المسرح. شارك في عدة مسرحيات وافلام فرنسية وأوروبية من بينهم فيلم je ne suis pas mort للمخرج التونسي مهدي بن عطية. مثل دور بطولة في المسلسل الامريكي “المسيح” اللي تم عرضو على شبكة نيتفليكس سنة 2020.
الممثلين هذوما وغيرهم اللي أثبتو نجاحاتهم قدام العالم كانو حاضرين في فيديوات “انجح” بمقابلات حصرية وفيديوات بمحتوى حصري.
سارة البلومي