مزايا بعث مشروعك الخاص !
باش تطلق مشروعك الخاص من الصفر كل إللي لازمك هو فكرة جديدة لمنتج معين و إلا لخدمة جديدة.
الحاجة الوحيدة إللي لازمتك هي أنك تكون متميز باش تنجم تكون مختلف.
إطلاق مشروعك الخاص عندو عدة مزايا منها
أولا تحسين دخلك
بالطبيعة أي شركة ناشئة أو مشروع جديد صعيب أنهم يحققوا أرباح مادية بالوقت و إلا تدخل مبالغ قليلة هذاكا اعلاه لازم تضمن دخل قار في الفترة الأولى لتغطية المصاريف. وهاذي تجربة عاشوها عدة باعثي شركات ناشئة في البدايات و كان القاسم المشترك بيناتهم أنهم أطلقو مشاريعهم و بداو من الصفر ونجحوا انهم يتعداو الصعوبات اللي واجهوها.
لكن لازمك تعرف تخطط وتركز على دراسة المشروع باش توصل تحقق الهدف متاعك و تضاعف الدخل في فترة زمنية قصيرة.
71% من رواد الأعمال و إلا أصحاب المشاريع الذاتية يطلقو مشاريعهم لتحسين مدخولهم المالي.
ثانيا : توفير الامان
9 على 10 من الشركات الناشئة تفشل بعد بضعة سنوات .ولتفادي نفس التجربة يلزمك توصل لمرحلة الأمان.
الامان اللي توصلو وقت اللي تنجح في إدارة الشركة و هذا يساعدك على انك تركز في الاهداف المالية وهكا توصل للراحة المادية و الا الامان المادي.
في نفس الوقت اللي توصل فيه للامان المادي تكون ضمنت الأمان للعقل لانو كل التركيز باش يمشي ل”كيفاش تطور مشروعك .”
الأمان هذا يخليك تواجه الصعوبات و تكون ديما على استعداد أنك تقدم لقدام. و بالطبيعة التمويل يجي من عدة مصادر مثلا إمشي للبنوك و إلا المستثمرين و تنجم زادا تلتحق بمحاضن المؤسسات و الا تشارك في مسابقات و تتحصل على جوائز مادية.
ثالثا :تكوين شبكة معارف
عادي أنو الشركة ما تتطورش في الأشهر الاولى و تنجم تواجه صعوبات ,هذاكا علاش لازمك فريق يضم أشخاص متخصصين في مجالات معينة إللي باش يدعموك و يشاركوك أفكارهم ومع بعضكم تلقاو الحلول للمشاكل اللي تنجم تعرضك في البدايات.
وفي نفس الوقت ما تنساش باش تستأنس بتجارب باعثي المشاريع اللي سبقوك وتتعلم منهم.
فاش تستنى أبدى مشروعك
ولاء الحبلي