أصغر موطارجية في تونس
تغرمت من طفولتها بالمطورات وبدات تسوق من عمر التسعة سنين, واليوم ولات تنافس الرجال في وحدة من الرياضات الخطيرة . مايا التميمي تحكي “لإنجح تونسية” البطولات الي حققتها في رياضة الموتوكروس والحادثة الي خلاتها تتنقل من مسابقات الموتوكروس لرالي الطرقات.
البدايات في الموتوكروس
الموتوكروس هي رياضة سباقات الموطورات في الطرق الجبلية الوعرة, ظهرت عام 1924 في بريطانيا وماكانش فما حتى مرا تسابق في الرياضة هاذي حتى للستينات وقت انتشارها في العالم, واليوم نراو الرياضة هاذي موجودة حتى في الدول العربية.
مالاول مايا كانت تتفرج في سباقات الموتوكروس وبعد اختارت تدخل عالم الرياضة هاذي مع جمعية بنزرت للموتوكروس وكانت أول طفلة في الجمعية تشارك في السباقات ومن 2018 بدات تشاركت في البطولات الوطنية, حققت المرتبة الخامسة في موسم 2018 والمرتبة الثانية في موسم 2019 ومن بعد المرتبة الاولى في بطولة 2020 وكانت هاذي أخر مشاركة ليها.
من الموتوكروس لرالي الطرقات
في عام 2020 تعرض أحمد خطيب مايا لحادث بالموطور أدت لوفاتو, بعد الحادث هذا واجهت مايا أزمة نفسية كبيرة وبعدت على رياضة الموتوكروس لأكثر من عام أما بعد قررت ترجع لسباقات الطرقات في بلاصة خطيبها وبدات في مغامرة جديدة في رالي الطرقات.
باش تعرف أكثر تفاصيل تفرجو في الفيديو.
سارة البلومي