أسرار نجاح الشركة العالمية Decathlon لمدة 50 سنة
أكثر من 50 سنة نجاح و أكثر من 1600 متجر في العالم في 64 دولة متوزعين في 5 قارات.
هي أكبر شركة للسلع الرياضية في العالم “Decathlon “سلسلة المتاجر الفرنسية المتخصصة في المعدات الرياضية.
أسسها الملياردير الفرنسي ميشيل ليكليرك عام 1976 أثبتت نجاحها وقتلي زادت مبيعاتها بنسبة 18٪ في عام 2021 في فرنسا و إللي موجود فيها 324 متجر و وصلت ل 4.2 مليار يورو في الفترة هذي .
لكن هات نكتشفو الغموض وراء النجاح العالمي هذا !
1-التقليل من الربح المادي
من الإستراتيجيات إللي تعتمدها Decathlon هي عدم التركيز على هامش ربح مرتفع من منتجاتها .
“إللي في مخي أني نبيع بأقل سوم ممكن . العديد من الشركات تخمم عكس هذا تماما على هذا نلقاوها تحب تبيع بأغلى سوم ممكن باش تربح أكثر.لكن أحنا نحبو نبيعو بأقل ربح. الربح ينقص عنا كل عام وهذا موضوع كبير بالنسبة لينا”.
أوليفييه روبينيت: الرئيس التنفيذي لشركة ديكاتلون بأستراليا
2-استراتيجية التوسع
سنة 2017 إفتتحت Decathlon أول متجر ليها في تونس (Géant).
2018 تم فيه إفتتاح ثاني متجر تونسي ليها في المرسى بعد عام و في 6 شهور كهو إفتتحت Decathlon أول متجر ليها في اليابان وفيتنام .
كيما افتتحت أول متجر كبير في الولايات المتحدة الأمريكية و في بولندا و سنغافورة .
على طول ال 25 سنة الأولى ركزت Decathlon على تنمية أعمالها في السوق الأوروبية كيما إسبانيا وألمانيا وإيطاليا والبرتغال كيما قررت أنها تدخل السوق الآسيويةبافتتاحها أول متجر ليها في الصين عام 2003 وفي الهند عام 2009.
30-3 علامة تجارية
Décathlon هي إللي تقوم بتصميم واختبار وتصنيع وبيع علاماتها التجارية .
يوظف فريق البحث والتطويرالخاص بيهم 700 شخص إللي يخدمو على المنتجات الجديدةوالتصاميم الجديدة للمنتجات الحالية .
في كل عام تنتج Decathlon تقريبا 2800 منتج لليوم عندهم تقريبا 30 علامة تجارية كل وحدة منها مخصصة لرياضة معينة و إلا نشاط بدني معين كيما Quechua هي علامتهم التجارية للمشي لمسافات طويلةوالتخييم والمعدات الخارجيةكيما تم تصميم مجموعة Kalenji للجري و Wed’Ze للناس المغرومة بالتزلج.
4-تخصيص جزء من مساحاتها للتجريب
من الحاجات إللي تميز Decathlon أنها تخصص جزء كبير من متاجرها للحرفاء باش يجربو منتجاتهم و مشترياتهم مثال يمتد متجر إيميرفيل لشاطئ منطقة خليج سان فرانسيسكو وين تتم ممارسة جميع أنواع الرياضات من ركوب البيسكلات و المشي للرياضات المائية .
5-اختبار المنتجات
قبل ما توصل ابتكارات الشركة للمتاجر باش تتباع تخضع لاختبارات وتعديلات صارمة أهم مركز للاختبارات هو SportsLab وين يتم اختبار المنتجات من قبل فريق من المحترفين و الرياضيين إللي يدرسو رد فعل بدن الإنسان و يقيسو شعور الناس.
6-منصة للمبادرات
منصة Decathlon Creation تشجع المستخدمين لتقديم أفكار لمنتجاتهم و تقديم اقتراحاتهم و إذا عجبت الفكرة الشركة يتحصل المستخدم على فرصة مقابلة مع فريق التصميم والتعاون معاهم .
نتيجة المبادرات الإبداعية هذي نلقاو منتجات كيما Btwin Folding Bike و 2 Seconds Pop Up Tent و Scooter Child Carrier و Kiprun LD Running Shoes كل هذي أسباب خلات تبيع أكثر من مليار منتج في عام 2018 و لليوم قصة نجاحها متواصلة .
كان تحبو تزيو تتعرفو على قصة نجاح Decathlon تفرجو في الفيديو
ولاء الحبلي