وقتاش نشربو القهوة ؟
برشا ناس ماتنجمش تفيق الصباح الا ماتشرب القهوة…طقوسها,ريحتها و الفنجان الخاص بكل واحد منا عندو نكهة خاصة … شنوة الوقت المناسب باش نشربو القهوة ؟
موش منصوح بالقهوة أول ماتفيق من النوم
تعرف اللي أسوأ أوقات شرب القهوة هو بعد ماتفيق من النوم ؟ علاش ؟ الجسم يفرز الصباح هرمون الكورتيزول المسؤول على اليقظة و التركيز. القهوة الصباح تزيد من مستويات الكورتيزول بشكل غير صحي, اللي يؤدي لإضعاف المناعة بطول المدة. حسب ستيفن غوندري، جراح القلب في مركز الطب الترميمي في المعهد الدولي للقلب والرئة”يرتفع هورمون الكورتيزول بالجسم في الأربعة متاع الصباح ، وشرب القهوة في الصباح، ينجم يتداخل مع مادة الكافيين الموجودة فيها، الشي اللي يؤدي للشعور بالقلق أكثر من المعتاد”.
يرتفع هورمون الكورتيزول بالجسم في الأربعة متاع الصباح ، وشرب القهوة في الصباح، ينجم يتداخل مع مادة الكافيين الموجودة فيها، الشي اللي يؤدي للشعور بالقلق أكثر من المعتاد
ستيفن غوندري، جراح القلب في مركز الطب الترميمي في المعهد الدولي للقلب والرئة
أفضل الأوقات لشرب القهوة
من أفضل الأوقات المنصوح بيها لشرب القهوة هو بعد 3 والا 5 ساعات من بعد ما تفيق من النوم. علاش ؟ خاطر وقتها يكون الكورتيزول في مستويات منخفضة حسب لورا سيبولو، أخصائية التغذية، شرب القهوة بعد 3 والا 4 ساعات من الاستيقاظ، خير على خاطر مستويات الكورتيزول تبدا في الانخفاض، اللي يخلي للجسم مساحة باش يستفيد من الكافيين.. و الكمية المنصوح بيها باش تفيق و تصحصح هي من 200 ل 300 مغ من الكافيين يعني زوز والا 3 فناجن قهوة في النهار .
أوقات غير مناسبة لشرب القهوة
من أهم الأوقات اللي موش مناسب فيها شرب القهوة هو وقت تكون المعدة فارغة والا قبل 5 / 6 سوايع من النوم .
بلسم العابد
