تونسيات نجحو في زوز مهن مختلفين
تونسيات نجحو في زوز مهن مختلفين فيهم اللي لقى دعم من الناس و فيهم اللي يستغرب و ينقدهم لكنهم يحبو اللي يعملو فيه هذاكا علاش نجحو فيهم الزوز كانو ضيوف إنجح و حكاولنا على تجاربهم
1- أسماء حناشي
أسماء طبيبة مقيمة في الجراحة العامة وصانعة محتوى . أسماء مغرومة بالطبخ من اللي هي صغيرة وأول ما إكتشفت السوشيال ميديا قررت أنها تشارك غرامها مع الناس اللي يتبعو فيها على أنستغرام. تقدم في نصائح على الطبخ و تعطي وصفات جدد. لقات أسماء الحب و الدعم من متابعيها لكن فما شوية إستغراب من زملائها خاطر بالنسبة ليهم صناعة المحتوى تضييع وقت.
الموجات الإيجابية اللي تجي لأسماء من متابعينها هي الحاجة اللي تخليها تنسى التعب متاع الخدمة و تخصص وقت أكثر لغرامها “صناعة المحتوى”.
2- ليلى الطرابلسي
ليلى تخدم في زوز خدم مختلفين برشا, في النهار تخدم في البوسطة و في الليل “Djette”. غرام ليلى بالموزيكا بقى يتبع فيها من الصغرى حتى قررت تعمل منو خدمة لجانب خدمتها الأصلية وهكا حكات ليلى على الفرق بين الخدمة في الليل و الخدمة في النهار.
وإنت كان تجيك الفرصة تخدم زوز خدم مع بعضهم ؟ باش تعرف أكثر تفاصيل تفرج في فيديو طبيبة و صانعة محتوى
بلسم العابد