صغيرك ثقتو بروحو مهزوزة ؟ هكا تتعامل معاه
الثقة في النفس عند الأطفال هي صفة وعنصر مهم تعاون كل صغير بش يواجه التحديات الإجتماعية و النفسية الي تعترضو في الحياة و يتحكم في سلوكه و بالتالي تولي عندو قدرة أكثر بش يتخطى مشاكله . كيما زادا تخليه يكتسب شخصية متوازنة و يؤمن بقدراته و قيمته و يزيد يطور في مهاراتو . و الثقة بالنفس عند الصغيرات مرتبطة بالضرورة بالأولياء و طريقة تعاملهم مع أبنائهم. و هذوما حاجات تنجم تعملهم مع صغيرك بش تقويلو ثقتو في نفسو أكثر
1- قدم لطفلك الحب من غير شروط :
ما ينجمش الصغير يحب ذاتو إذا أقرب الناس ليه ما يحبوهش و ما تهتمش بيه، و بش يكون عندو ثقة في روحو لازم الام و الأب يظهرو إهتمامهم بكل التفاصيل الي تخصو و حبهم اللامشروط ليه .
2- تحنب المبالغة في المجاملة:
من المهم إنك تكون أب أو أم يثنيو على الأشياء الي يقوم بيها صغيركم و يشكروه لكن إذا الشيء هذا زاد عند حدو ممكن تتكون عندو نزعة من الغرور أو إنو تنكون في مخيلتو صورة نغالطة على روحو الي ينجم يجي النهار الي يتصدم بإنها غالطة.
3-عاونو بش يتعرف على حدودو:
من أهم الأشياء في تربية الصغير إنو يتعلم مسؤولياتو الي لازمو يقوم بيها و حدودو الي مرفوض إنو يتجاوزها . و من بين الحاجات الي لازمو يتعلمها زادا انو يحترم غيرو بش ينجم يحترم ذاتو .
بلسم العابد