8 حاجات يعملوهم الأشخاص الناجحين في عطلهم الأسبوعية !
برشا يشوفو أنو عطل نهاية الأسبوع هي وقت للراحة إلا أنو بالنسبة لأغلب الناس الناجحين يشوفو آخر الأسبوع حاجة مختلفة على كيفية قضاء أيام السبت والأحد للأشخاص العاديين.
هاذوما 8 حاجات يعملوها الناس الناجحين في العالم في عطلهم الأسبوعية باش يبداو جمعة جديدة من العمل .
1 يفيقو بكري
يقولو أنو المدير التنفيذي لشركة أبل يقوم الصباح بكري في الساعة الثالثة والربع كل يوم حتى في عطلات نهاية الأسبوع. الحاجة الغالطة إللي يعملوها برشا منكم أنهم يعديو يوم السبت و يوم الأحد في الفرش حتى لنصف النهار.
الناجحين يقومو بكري على خاطر يعرفو و يآمنو أنو الوقت ثمين وما لازمش تضيعو .
2 يطالعو كتب
ما نجموش ننكرو قوة القراءة.
الكتاب هو الهدية الوحيدة إللي تنجم تحلها أكثر من مرة.
جاريسون كيلور : كاتب أمريكي
بقراءة الكتب تزيد توسع معرفتك خاصة في نهايات الأسابيع بما أنك تكون على دراية أفضل بالاقتراب من مهامك في الأسبوع.
3 ياخذو وقت لرواحهم
الناس الناجحين نلقاوهم ياخذو وقت يخممو فيه و ينقدو فيه الأشياء. في كل عطلة نهاية أسبوع يرجعو لتالي و يشوفو في شنوة نجحو و في شنوة ما نجحوش كيما يمارسو التأمل بما أنها نشاط توفر الراحة للدماغ.
أنك تمارس التأمل في نهاية الأسبوع يخليك تركز على التحسينات إللي تحتاجهلها يوم الاثنين.
4 يخصصو وقت يمارسو فيه غرامهم
الناجحين يعرفو أنو السعي وراء النجاح ما يعنيش نسيان هواياتهم المفضلة.
توفر لك عطلة نهاية الأسبوع الفرصة باش تكون مبدع و ترتاح نفسيا و معنويا وقت إللي تعمل الحاجة إللي تحبها و خاصة ما تكونش في مجال خدمتك.
5 يبعدو على التكنولوجيا و خاصة وسائل الإعلام
يعرفو الناجحين أنو لازمهم يحددو وقت معين يعيشو فيه مع العالم الواقعي من غير هواتف و إلا أنترنت و خاصة يبتعدو على وسائل مواقع التواصل الإجتماعي .فعطلة نهاية الأسبوع هي أفضل وقت للبحث عن إستراحة حتى لو كانت فترة قصيرة.
6 يعديو وقت مع عايلاتهم
أيام الأسبوع بالنسبة للأشخاص الناجحين إللي ديما وقتهم معبي ما يكونولهمش وقت كافي ينجمو يقضيو فيه مع العائلة والأصدقاء. على هذا تمثللثهم نهاية الأسبوع الوقت المناسب وين يخرجو مع عايلاتهم المصغرة و إلا الكبيرة.
7 يمارسو الرياضة
الرياضة أو التمارين الرياضية عموما هي أنشطة منعشة تقوي المخ و تمنحكم الفرصة لتنظيف ذهنكم وتبني أفكار جديدة للأسبوع الجديد.
8 يخططو للأسبوع القادم
جاك دورسي هو مبرمج و رجل أعمال أمريكي و مبتكر موقع تويتر ,معروف بساعات العمل الكثيرة . يعدي 16 ساعة من الإثنين لنهار الجمعة ولكنو يتأكد من أنو برنامجو منظم ويستخدم أيام الأحد للتخطيط للأسبوع القادم.
و إنت كيفاش تعدي عطلتك الأسبوعية ؟
ولاء الحبلي