هذا علاش لازمك تبكي !
البكاء هو ظاهرة طبيعية للإنسان، وهو استجابة طبيعية لمجموعة من المشاعر، من الحزن والحزن للسعادة والفرح. لكن هل البكاء مفيد لصحتك؟ وكيفاش يأثر على الجسم؟ وشنية الفوائد الصحية للبكاء؟
الفوائد الصحية للبكاء
كتب “ليو نيوهاوس” في موقع “هارفلد هلث” يقول إنو الفوائد الطبية للبكاء تعرفت من قبل، واكتشفو الأطباء في اليونان القديمة وروما أنو الدموع هي مسهل.ويتفق الفكر النفسي اليوم لحد كبير مع التأكيد على دور البكاء كآلية تسمحلنا بالتخلص من التوتر والألم العاطفي.
البكاء هو صمام أمان مهم، ويرجع هذا أنو الاحتفاظ بالمشاعر الصعيبة داخلنا و إللي يسميوه علماء النفس “التكيف القمعي”و إللي ينجم يكون ضار بصحتنا.
ربطت الدراسات بين “التكيف القمعي” وأمراض القلب والأوعية الدموية، وارتفاع ضغط الدم، وزادة مع حالات الصحة العقلية، كيما التوتر والقلق والاكتئاب. كما ثبت أنو البكاء يزيد من سلوك التعلق، ويشجع على التقارب، والتعاطف، والدعم من الأصدقاء والعائلة.
أنواع الدموع
يقسمو العلماء الدموع ل 3 فئات :
- الدموع الانعكاسية reflex tears
- الدموع المستمرة continuous tears
- الدموع العاطفية emotional tears
الزوز الأولانين عندهم وظيفة مهمة في إزالة الأوساخ كيما الدخان والغبرة من عينينا، كيما ترطب العين باش تساعد على حمايتها من العدوى ويبلغ محتواها 98% ماء.
الفئة الثالثة، وهي الدموع العاطفية، تطرد الدموع هذي هرمونات التوتر والسموم الأخرى من نظامنا، وإللي من المحتمل أنها تقدم فوائد صحية. أثبتو الباحثين أنو البكاء يطلق المواد الكيميائية المريحة كيما الأوكسيتوسين والإندورفينات إللي يساعد على تخفيف الآلام الجسدية والعاطفية.
شنوة يصير لبدننا كي نبكيو ؟
الكلنا نبكيو وقتلي نحسو بالفرحة و إلا الحزن أو الغضب أو حتى الإحباط، وهو الأمر إللي يأثر على بدننا و عقلنا. وفي مقال إللي نشرو موقع “the healthy” الأميركي، قالت الكاتبة “تينا دونفيتو” إنو مشاهدة الأفلام و إلا التعرض لأحداث الحياة المتعبة في الدار و إلا في الخدمة ، إللي يخليو دموعك تهبط، لكنك ما تعرفش أنو البكاء يأثر على بدنك بطرق مختلفة .
البكاء يخفف التوتر و يحسن من مزاجنا كيما يعزز صحة عينيك .
في الأخير البكاء عمرو ماكان يدل على ضعف شخصيتنا بالعكس لازمك تبكي بما أنها حاجة طبيعية فينا و عندو فوائدو الإيجابية .
ولاء الحبلي