مدربة لياقة بدنية وبصحتها !
سحر الطرابلسي, بطلة أولمبية سابقة في رياضة الجيدو أوزان ثقيلة, بعد 14 سنة في رياضة الجيدو قررت ترجع لصفاقس وتخدم كمدربة لياقة بدنية, لكنها تفاجأت بحملة تنمر الكتروني عليها بسبب وزنها وخدمتها كمدربة لياقة بدنية.
كيفاش تعرضت للتنمر الالكتروني ؟
سحر اختارت تزيد في وزنها باش تنجم تلعب في رياضة الجيدو للأوزان الثقيلة كيما كان والدها قبل, من بعد قررت ترجع تخدم مدربة في قاعة رياضة في صفاقس وين واجهت تنمر الكتروني من الناس الي ما تقبلوش فكرة أنو مدربة لياقة بدنية بوزن زائد, ورغم نجاحها في مهنتها كمدربة الا انو حملات التنمر بقات مستمرة.
كيفاش واجهت المتنمرين؟
التنمر دفع سحر باش تعمل تحدي لإنقاص وزنها بدات في حمية غذائية و مارست الرياضة حتى نجمت تنقص 60كغ في مدة عام.
خلال التحدي هذا حبت سحر توصل للمتنمرين اللي ما فما شي مستحيل و أي شخص ينجم ينقص في الميزان و يواجه المتنمرين.
باش تعرفو أكثر تفاصيل على التونسية سحر الطرابلسي ,تفرجو في الفيديو.
سارة البلومي