كيفاه يعاون هرمون الحب في تحسين حياتك؟
“الأوكسيتوسين” هو هرمون الحب.وحسب الدوريّة العلميّة “فرونتايرز إن بيهافيورال نيووروساينس” في أفريل اللي فات فإنو هرمون الحب يتزاد عند الأشخاص اللي عمرهم كبير.
هاذم مالحاجات اللي يعاون عليهم هرمون الحب:
القلب
برشا يقولو اللي الحب يداوي القلب، وهذا اللي أثبتتوا دراسة جديدة نشرتها “جامعة ولاية ميشيغان الأميركية” وين قالت اللي كيف تتعرّض لنوبة قلبيّة ويبدا عندك كميّة كافية من “الأوكسيتوسين” وفي الوقت المناسب يخلّي الخلايا المتضرّرة تتجدّد.
تعزيز العلاقات
حسب موقع “ويب طب” يعاون هرمون الحب على تحسين العلاقات الجنسيّة . ويساعد الأوكسيتوسين على حصول النشوة الجنسيّة وزياد المتعة بين الطرفين على خاطر وقت العلاقة الجنسيّة يفرز البدن من داخل الأوكسيتوسين بكميّة كبيرة حسب الدكتور يمان التل.
الولادة
هرمون الأوكسيتوسين يسهل الولادة على خاطر يحفّز عضلات الرحم على الانقباض وبعد ما يتولد الصغير يعاون الأوكسيتوسين إنو ينقل الحليب مالقنوات الموجودة في الثدي إلى الحلمة حسب جامعة “هارفرد”.
رانية رزيڨ