كيفاش نتحكموا في الغيرة بين الأخوة ؟
حسب دراسة قام بيها المعهد المصري للدراسات السياسية والاستراتيجية في 2021, 15% من جرائم العنف الأسري سببها الغيرة بين الأخوات و أكثر من 10 % من الجرائم هذي تتطور للقتل أو الشروع فيه .30% من الصغار في العالم يتعرضو للعنف اللفظي من أخواتهم حسب دراسات أمريكية.
تبدى الغيرة بين الأخوات غالبا وقتلي يجي مولود جديد للعائلة و يحس الطفل الأول إنو المولود الجديد باش يفك بلاصتو و مكانتو عند والديه .
لكن شنوما الحاجات إللي ينجم يعملها الأولياء لتجنب الإحساس هذا عند صغيرهم . خولة العوني المختصة في علم النفس العصبي تقدم نصائح في انجح لعلاج الغيرة بين الأخوات .
أول حاجة تبدى من إخبار الصغير بالمولود الجديد بكلمات و عبارات بسيطة ينجم الصغير يفهمها و يتقبلها بسهولة . لازم الأم و الأب يخصصو وقت معين لصغيرهم يمارسو فيه نشاط معاه و هكاكا يحس الصغير أنو النشاط هذا باش يقعدو والديه يمارسوه معاه حتى بعد ولادة المولود الجديد.
الأولياء ما يضغطوش على ولدهم و يحاولو ديما يعدلو في المعاملة بيناتهم .
باش تعرف أكثر نصائح و أسباب الغيرة بين الأخوات و تتجنبها تفرج في الفيديو
ولاء الحبلي