كيفاش توفق بين القراية والخدمة ؟
القراية والخدمة في نفس الوقت, تجربة يخوضوها برشا طلبة في السنوات الأخيرة نظرا لفوائدها الاقتصادية وتأثيرها الايجابي على شخصية الطالب. لكن التجربة هذي مازال فما شكون يخاف يخوضها بسبب خوفو من أنها تلهيه على قرايتو. ضيفة “انجح سكول” “وصال فطوم” أثبتت العكس.
وصال عاودت السنة الثانية في الجامعة وتعرضت لخيبة أمل كبيرة, لكنها ما استسلمتش, واصلت في القراية وقرات في زوز مجالات في نفس الوقت وبدات في مشروعها الخاص المتمثل في صناعة الشمع بأشكال وروائح مميزة. تجربة الخدمة خلات وصال تركز أكثر في قرايتها وتكتسب الثقة في روحها باش تسير مشروعها وتنجح في قرايتها و اللي عاونها أكثر هو أنها اختارت تخدم في حاجة مغرومة بيها اللي هي الروايح البنينة والكوجينة وهو اللي خلاها تخرج منتوج متميز.
باش تعرفو أكثر تفاصيل على تجربة وصال في القراية والخدمة, تفرجو في الفيديو.
سارة البلومي