كيفاش تختار شريك حياتك المناسب ؟
حسب تقارير وزارة العدل التونسية أكدت ارتفاع نسبة الطلاق في تونس ما بين 2017 حتى عام 2022، و الأكثر طلبا للطلاق هو الزوج، وين وصلت ل 48 ألف و579 قضية في خمسة سنين ، أما عدد حالات الطلاق من قبل المرأة بلغت 32 ألف، و543 قضية خلال نفس السنوات. وعدد حالات الطلاق اللي تتسجل يوميا حوالي 46 حالة. تتعدد الأسباب لكن عدم القدرة على إختيار شريك الحياة المناسب هو واحد من أهم الأسباب هذه.
عدد حالات الطلاق اللي تتسجل يوميا حوالي 46 حالة
تقارير وزارة العدل التونسية
مدرب التنمية الذاتية محمد منير أولاد بالليل كان ضيفنا في إنجح و عطانا معايير اختيار شريك الحياة المناسب.
1_الثقة والإخلاص
الثقة والإخلاص من أهم مقومات وأساسيات الزواج، و يعتبرو من أهم الشروط في العلاقة ومعيار مهم في شريك الحياة المستقبلي.
2- اختار شخص يحترمك
صعيب برشا أنو تنجح أنك تقدم في علاقة مع شخص مايحترمكش أو يحترم شخصيتك أو يقلل من شأن طموحاتك في الحياة.
3- شخص يمكنك التواصل معاه بسهولة
من المهم اختيار شخص يسهل عليك النقاش والا إجراء محادثة معاه. بهذه الطريقة ، تنجم تستمتع باش تعمل حاجات و تناقشها و تحكي عليها ماغير ماتحس بالملل والا الخوف من ردة فعل الشريك.
4- شريك عندو نفس الاهتمامات
موش بالضرورة تكونو متشابهين ساعات الإختلاف يخليكم متكاملين لكن لو تتشاركو نفس الإهتمامات الحياة كثنائي تكون أسهل و أمتع.
5- قيمِ المستوى الفكري لشريكك
إذا كنت من الناس الطموحة اللي تحلم بالإنجازات العالية و عندك الجرأة في تحقيق أحلامك ، فكر في شخص عندو نفس الصفات.
باش تعرف أكثر تفاصيل على كيفاش تختار شريك حياتك المناسب ؟ تفرج في الفيديو
بلسم العابد