طرق تمويل الشركة الناشئة
عدم القدرة على التمويل هو أحد الأسباب لفشل الشركات الناشئة. وين تتطلب المسيرة من الفكرة لمرحلة البيع رأس المال. هذاكا علاش، وخلال فترات انجاز المشروع لازم على رواد الأعمال انو يوفروا السيولة اللازمة من خلال النفاذ الى مختلف موارد التمويل. إذا كان عندك الفكرة هذا وين تتوجه باش تتحصل على تمويل ؟
1-الأصحاب و العايلة (Love money)
العائلة والأصدقاء هم أكثر الناس عندهم ثقة في اللي تعمل فيه و اللي تحب توصلو ، وينجم يكون الحصول على تمويل منهم هو بمثابة دعم معنوي ومادي لمشروعك في عوض الجهات الأخرى كيما البنوك التي يلزمها تدرس المشروع من جميع النواحي باش تتأكد من نجاحو قبل الموافقة على التمويل. ينجم يكون زادة تمويل الأصحاب والا الأقارب أقل تكلفة ومخاطرة وين يمكن أنو يكون التمويل على شكل استثمار بنسبة معينة في المشروع.
وقت اللي تلوج باش تتحصل على تمويل, ماتخممش في الفلوس أما ركز على الناس الصحاح اللي باش تاخذ من عندهم فلوس
جودي فوكس مؤسسة العلامة التجارية Shoes of Prey
2-القروض البنكية
تنجم تستفاد من القروض اللي تقدمها البنوك للمشاريع الصغيرة والمتوسطة، لكن القروض هذه تحتاج لعدة مستندات كيما خطة عمل الشركة، قيمة الأرباح المتوقعة سنوياً، وغيرها من المستندات التي تساعد في تقييم حالة الشركة وقدرتها على الوفاء بالتزاماتها المالية.
3-التمويل الجماعي (Crowd funding)
هو واحد من الطرق التمويلية الحديثة للمشاريع الصغيرة والناشئة ، وين يقوم صاحب المشروع بعرض فكرتو بالتفصيل على بعض المواقع الإلكترونية المتخصصة لفترة زمنية معينة، وبعد يساهم المهتمين بالفكرة من خلال الاستثمار أو التمويل.
4-المستثمر الملاك
هو الشخص اللي يقدم دعم مالي لشركة ناشئة في مراحلها الأولى باش يدفع الشركة للنجاح, عادة ما يكون تمويلو مقابل حقوق ملكية في الشركة. النوع هذا من المستثمرين موجود لمساعدة الشركة في إنجاز خطواتها الأولى
5-الحاضنات
هي مؤسسات تساعد الشركات الناشئة في التأسيس والانطلاق عن طريق مجموعة من الخدمات كيما الإس؟تشارات, الدعم الفني, العلاقات العامة والتمويل. تنجم تكون حاضنات الأعمال تابعة لمؤسسات حكومية والا خاصة
بلسم العابد