شنوة يصير في بدننا كي نسمعو الموسيقى ؟
وفقاً للموقع الطبى الأمريكى “HealthDayNews”بحثو العلماء على قدرة الموسيقى وشنوة يصير للبدن كي نسمعوها ولقاو أنو القلب يولي يدق بشكل أسرع كيما يتعرق كف اليد .
فريق من الباحثين من كلية الآداب والعلوم في جامعة جنوب كاليفورنيا قامو ببحث مع الذكاء الاصطناعي على تأثير الموسيقى على أدمغة المستمعين وبدنهم وعواطفهم.
اختارالفريق ثلاثة قطع من الموسيقى العاطفية من غير كلمات و تطوع 40 شخص باش يسمعو وقتلي تم فحص أدمغتهم باستخدام التصوير بالرنين المغناطيسي و باستخدام خوارزميات الذكاء الاصطناعي لتحديد الميزات السمعية للأشخاص هذوما .
وتمكن العلماء أنهم يعرفو شنوة يحسو الناس كي يسمعو الموسيقى وثبت أنو الموسيقى تخفف القلق وتخفف حتى الوجايع .
الاستماع للموسيقى يحسنلك مزاجك و موش هذا كهو الموسيقى زادة تعاون الشخص أنو يكون بصحة أفضل وتبين البحوث الأخيرة أنو الاستماع للموسيقى يحسن القدرة العقلية ويعزز الصحة البدنية بالإضافة لأنها ترفع معدل الذكاء.
وهنا نقدمولكم فوائد الموسيقى على الصحة والمزاج حسب موقع “lifehack” الطبى.
الموسيقى تخليك فرحان
تأكد الأبحاث أنو وقتلي تسمع الموسيقى إللي تحبها يفرز مخك “الدوبامين” ، هو ناقل عصبى يتسبب في الشعور بالسعادة والفرحة و هذا يصير في 15 دقيقة كهو.
كيما يفرز مخك مادة تتسمى “الإندروفين”،إللي تخفف الإحساس بالألم والقلق.
تخليك الموسيقى تحس بالأمان و تحسنلك من حالتك النفسية علة هذا نلقاو الصغار يرقدو على أصوات أمهاتهم إللي يخليهم يحسو بالراحة النفسية.
تقلل معدل الإجهاد
الموسيقى تقلل من مستويات هرمون الإجهاد فى البدن، بينت دراسات أنو إذا عزفو الأشخاص على آلات و إلا غناويصيرلهم نوع من تعزيز جهاز المناعة عندهم.
نوم صحي
أكثر من 30٪ من التوانسة يعانيو من الأرق وأظهرت دراسة أنو الناس إللي يسمعو موسيقى لمدة 45 دقيقة قبل ما يرقدو يكون نومهم خير من الأشخاص إللي ما يسمعوش موسيقى و مارسوا روتينهم العادى.
الموسيقى تقلل الاكتئاب
اكتشفت أبحاث أمريكية أنو أعراض الاكتئاب قلت بشكل كبير فى الأشخاص إللي سمعو موسيقى كلاسيكية قبل النوم كيما أظهرت دراسة أخرى قدمها “هانز يواكيم تراب” في ألمانيا أنو الموسيقى تفيد المرضى إللي يعانيو من أعراض الاكتئاب بنوع من الموسيقى كيما الموسيقى الكلاسيكية.
ولاء الحبلي