علاش الذيوبة متعرضين للإبادة في تونس ؟
“الحل هذا متاع أقتل و ميسالش تاو الطبيعة تعوض راي ماعادش صالحة ” هذا إللي قالو ربيع بن إبراهيم صانع المحتوى الرقمي و المدافع عن البيئة و حقوق الحيوانات و سبق إنو شارك في برنامج “سديم” لأفضل صناع المحتوى في ورقة بيضاء.
شنوا يقول القانون التونسي؟
إذا تم صيد الذئب , الثعلب و الا اي حيوان محمي يتخطى الشخص ب700 دينار حسب مجلة الغابات. وفي سنة 2020 تمت مراجعة النصوص القانونية المتعلقة بالصيد ووضع خطة اتصالية لمقاومة الصيد العشوائي اهم ما جاء فيها :
1- إذا تم الصيد بعد إغلاق موسم الصيد يتخطى بمبلغ مالي قيمتو 1200 دينار .
2- إذا تم صيد الذئب , الثعلب و باقي الحيوانات المحمية يتخطى الشخص ب700 دينار .
3-إذا تم الصيد في الليل توصل الخطية المالية لألف دينارمع زادة حجز السلاح و وسيلة النقل .
4- إذا تم ضبط صيد الغزال ,كل غزالة عليها خطية مالية تقدر ب5 الاف دينار و 6 شهولر حبس نافذة.
الحلول للحد من صيد الذئاب في تونس ؟
حسب ربيع بن إبراهيم صانع المحتوى الرقمي و المدافع عن البيئة و حقوق الحيوانات الحلول إللي تنجم تكون ناجعة لمشكلة الصيد العشوائي تتمثل في أربعة حلول :
الحل الأول يتمثل في مساعدة الفلاحة في أنهم يبنيو سياج يحميو بيها أراضيهم و الماشية و توفير كلاب خاصة لحماية الماشية متاعهم بما أنهم هوما أكثر الأشخاص المتضررين من وجود الأنواع هذي من الحيوانات .
الحل الثاني هو توفير وسيلة نقل للصغار إللي يعيشو في الأرياف بما أنو هوما متعرضين بنسبة كبيرة باش تعرضهم الذئاب في طريقهم للمدرسة .
أما الحل الثالث يتمثل في بناء محمية خاصة بيهم يعيشو في وسطها كيما عملو برشا دول أخرى و نجحت كيما في أمريكا و الألب مثلا .
والحل الأخير هو أنو يتم في تونس دراسات لمعرفة التمركز الديمغرافي للذئاب و كل أنواع الحيوانات المفترسة في تونس .
أكثر تفاصيل على إبادة الذئاب في تونس في الفيديو
ولاء الحبلي