تقعد برشا على البيرو ؟ هذوما نصائح ليك
العديد منا يخدمو 6 سوايع في النهار و أكثر و العديد منا خدمتهم في بيرو و تلزم عليهم الجلوس وقت طويل على الكرسي لكن كيفاش يأثر هذا على بدننا و شنوة لازمنا نعملو باش نتجنبو النتائج السلبية للجلوس.
من أهم الأضرار إللي تضرك بيها وضعية الجلوس هوما الأضرار الجسدية .
1 تضر ظهرك
يتسبب الجلوس الطويل على كرسي في تقلص وقصر في عضلات الساقين كيما أنو اتخاذ وضعية جلوس غالطة تنجم تضر الظهر وإللي يتسبب في ضغط زايد على الفقرات الموجودة في العمود الفقري و إللي يأدي لتلف مبكر فيها وينتج عليها ألم مزمن في الظهر.
2 تزيد في الوزن
زيادة الوزن هي من أكثر الحاجات إللي ينجم يسببهملك الجلوس لمدة طويلة على الكرسي لكن الحركة تساعدك على حرق الدهون و السكريات إللي تاكلها في النهار.
3 أمراض القلب
ينجم يتسبب الجلوس المطول في الضرر لقلبك وهذا إللي يتسبب في إصابتك بأمراض القلب كيما يرفع من فرص إصابتك بالنوبة القلبية بنسبة 147%!
دراسات اكتشفت أنو الرجال إللي يعديو أكثر من 3 سوايع في النهار قدام التلفزة كانت فرص إصابتهم بأمراض القلب أكبر من الأشخاص إللي يتفرجو على التلفزة لساعات قليلة.
مازالو العديد من الأضرار إللي يتسببولك في أمراض جسدية على هذا هذوما نصائح نقدموهملك باش تقلل من الأضرار كانك تخدم على كرسي .
أهم ثلاثة حاجات هوما :
- مارس رياضة خفيفة .
- التزم بوضعية جلوس صحيحة.
- أقف مرة كل ساعة لمدة 10 دقائق على الأقل.
حاول تطبق الحاجات الثلاثة هذوما بهدف إنقاذ بدنك من الضرر إللي يسببهولك الكرسي.
ولاء الحبلي