تجميد البويضات مسموح بيه في تونس
هي عملية سحب البويضات من الرحم في فترة نضوجهم ومن بعد يتحطو في السائل النيتروجيني الي يبقاو فيه حتى تقرر المرأة أنها تجيب صغير, وقتها يقع تلقيح البويضات بالحيوانات المنوية ومن بعدها يرجعوهم للرحم.
عملية تجميد البويضات يقومو بيها النساء الراغبات في الانجاب في سن متأخرة بإعتبارها تمكن من الحفاظ على جودة البويضات.
لكن القانون التونسي يمنع القيام بالعملية هاذي وما يسمح بيها الا في حالات معينة حسب ما فسرت “لإنجح نيوز” الدكتورة سيرين بن ميلاد طبيبة النساء والتوليد والمساعدة على الانجاب.
أفضل سن للتجميد؟
من المستحسن أنو تتم عملية التجميد قبل ال35 سنة على خاطر جودة البويضة تكون أحسن قبل عمر ال35 ومن المستحسن زادة انو عملية استرجاع البويضة تكون قبل ال45 سنة باش ما يكونش فما خطر على صحة المراة.
القانون التونسي يسمح بالتجميد في حالات
القانون التونسي يمنع عملية تجميد البويضات حسب قانون الصحة الإنجابية المؤرخ في 2001.
وما يسمح بيها الا في حالة وجود مرض يهدد الخصوبة كيما “بطانة الرحم المهاجرة “أو “السرطان” أو “العمليات الجراحية للمبايض”.
هذا اللي يخلي التونسيات الراغبات في إجراء العملية يختاروا اليونان وإسبانيا بما ان القانون لم يتم تحيينه الى حد الان.