إكتشفت موهبتها في التمثيل من الTikTok
هيفاء الحجري, صانعة محتوى على الفايسبوك والتيكتوك, تقدم فيديوات كوميدية تنقد فيهم وضعيات من الواقع التونسي, واليوم نجحت باش تضحك التوانسة وتحصد ملاين المشاهدات .
كيفاش اكتشفت موهبتها في التمثيل ؟
اكتشفت هيفاء موهبتها في فترة الحجر الصحي الشامل عام 2020 على تطبيق Tiktok ,وقت الي عملت فيديوات قصار تقلد فيهم وضعيات تضحك على التيكتوك. بعد ما لقات تفاعل ايجابي من الناس بدات تعمل سكاتشات نقدية قصيرة تحكي فيهم على وضعيات يعيشهم التونسي في المجتمع.
منين تستلهم الأحداث والشخصيات؟
تعرفت بشخصياتها الوهمية الي تجسدهم في كل فيديو,منيرة وسميرة وحنان, الي يترجمو في كل فيديو وضعيات عاشتهم هيفاء من الواقع والا تستلهمهم من علاقاتها وعايلتها وهو اللي سهللها كتابة الحوارات في فيديواتها وخلاها توصل ترتجل في أغلب الفيديوات.
باش تعرفو أكثر على التونسية هيفاء الحجري, تفرج على الفيديو.
سارة البلومي