أول عازفة زكرة في تونس!
سمر بن عمارة , أستاذة موسيقى إختارت العزف على وحدة من الآلات اللي تعودنا نراوهم عند عازفين رجال, آلة الزكرة. قبل العزف على آلة الزكرة كانت سمر تعزف على البيانو و الناي, لكن غرامها بالآلات الشعبية خلاها تتعلم العزف على الزكرة وتنطلق في تقديم العروض بيها منذ سنة 2006 حتى لليوم. نفس الغرام هذا خلاها اليوم تعمل محاولات للعزف على آلة المزود.
سمر وحدة من النساء اللي اختارت تعرف بالفن الشعبي التونسي و تعزف على آلة محسوبة على الرجال, وتعرضت برشا للتنمر بسبب العزف على الزكرة, لكنها مازالت مواصلة في غرامها اللي خلاها اليوم أول امرأة في تونس تعزف آلة الزكرة.
باش تعرفو أكثر تفاصيل على سمر, تفرجو في الفيديو.
سارة البلومي