مدربين توانسة في المونديال
تمكن المنتخب التونسي من الترشح لخمسة نسخ من بطولة كأس العالم الي كانو في 1978 في الأرجنتين و 1998 في فرنسا , 2002 في كوريا و اليابان , 2006 في ألمانيا و 2018 كان في روسيا. كل نسخة من البطولات هذه كانوا حاضرين فيها نخبة من الاعبين التوانسة الكفء و مدربين قضاو حياتهم في سبيل حب الرياضة و كرة القدم و الي في كل مرة تكبر في عينيهم حلمة فوز تونس بلقب كأس العالم , و منهم المدرب التونسي جلال القادري الي يرافق اليوم المنتخب في مشاركته السادسة في المونديال قطر 2022 .
و هذوما كافة المدربين الي كانوا يقسمو في نفس حلمة كأس العالم مع اللاعبين و الي خلاو بصمتهم في كل نسخة كانو حاضرين فيها مع المنتخب في المونديال:
1)عبد المجيد الشتالي مونديال 1978:
اسمو تربط بملحمة الأرجنتين , برشا يعتبروه المدير الفني و الأسطورة الي قادت المنتخب التونسي في مونديال 1978 , كيما زادا لقب برائد المدربين في تونس . تمكن النسور معاه من تحقيق انجاز رياضي تاريخي تحفر في ذاكرة كل تونسي وقت كان أول منتخب افريقي يذوق طعم الانتصار في تاريخ كأس العالم في المباراة الي ضد المكسيك 3-1.
بعد المونديال هذا, رفض الشتالي انو يدرب المنتخب التونسي في برشا فرص و قرر انو يختم تجربة التدريب بصفة مبكرة, و اكتفى بانو يكون مدرب احتياطي للنجم الساحلي فقط , و يخوض تجربة التحليل الرياضي.
2)هنري كاسبرزاك 1998:
جنسيتو فرنسية , درب المنتخب التونسي بين عام 1994 و1998 وقاده إلى خوض النهائي الثاني في تاريخو في كأس أمم أفريقياوين خسره قدام البلد المضيف جنوب أفريقيا (2-0) عام 1996.
كيما قاد منتخب النسور إلى نهائيات بوركينا فاسو عام 1998 و خرج الفريق من المسابقة في الدور ربع النهائي و اخيرا ساهم في تأهل الممنتخب لنهائيات كأس العالم بفرنسا في نفس العام لكن ما تمكنش من تخطي الدور الأول.
3)عمار سويح 2002:
أصيل مدينة طبربة, بداياتو كانت مع فريق مستقبل وادي الليل الي تمكن معاه من الصعود في أواخر الثمانينات من الدرجة الثالثة إلى الأولى في ظرف عامين.
رافق تونس في كأس العالم 2002, وين خسرت في المباراة الأولى الي كانت ضد منتخب روسيا بنتيجة 0-2 لصالح روسيا .
4)روجيه لومير 2006:
جنسيتو فرنسية, بداياتو كانت مع المنتخب العسكري الفرنسي . أحرز مع منتخب تونس لكرة القدم على كأس أمم افريقيا ,في تونس سنة 2004 , وتأهل معاه لنهائيات كأس العالم الا أنه تعرض لبرشا انتقادات في آخر مشوارو خاصة بعد نهائيات كاس العالم ألمانيا 2006, بسبب اختياراتو الخاطئة للاعبين و الخطط متاعو . كيما أكدو برشا رياضيين انو المنتخب معاه كان ناقص تحضير و تدريب.
5)نبيل معلول 2018:
بداياتو في التدريب كانت مع فريق أولمبيك خريبكة، قبل ما ياخذ منصب مساعد مدرب المنتخب التونسي، عام 2002، للمدرب الفرنسي روجيه لومير، وحقق وقتها اللقب الأفريقي الوحيد لتونس، وقت توج نسور قرطاج ببطولة كأس أمم افريقيا 2004.
و عام 2017 كان المدرب الرئيسي للنسور و نجح في قيادتهم لمونديال 2018 في روسيا , وين خسروا لقب البطولة .
6)جلال القادري:
درب جلال القادري برشا منتخبات في بلدان مختلفة كيما تونس و ليبيا و الامارات و السعودية .
قاد المنمتخب التونسي الي لعب ضد نيجيريا في ثُمن نهائي كأس الأمم الأفريقية 2021 بعد إصابة المدرب منذر الكبير بفيروس كورونا، وكانت أول مباراة رسمية قادها كمدير فني ضد منتخب مالي في الدور الحاسم من تصفيات كأس العالم.
و اليوم يقود منتخب النسور في كأي العالم قطر 2022.
عبير العقربي
