علاش مايلزمش الصغار يعديو برشا وقت قدام كل أنواع الشاشات ؟
أظهرت الأبحاث أنو الأطفال والمراهقين يعديو وقت كبير قدام الشاشات وحسب الأكاديمية الأمريكية للطب النفسي للأطفال والمراهقين ، يعدي الأطفال اللي تتراوح أعمارهم بين 8 و 12 عام ، من 4 ل 6 ساعات يوميا في النظر للشاشة والا استخدامها ، ويوصل الوقت عند المراهقين ل 9 ساعات تقريبا .الوقت هذا يتعدى قدام التلفزة, الحواسيب, التلفون و ألعاب الفيديو .
يعدي الأطفال اللي تتراوح أعمارهم بين 8 و 12 عام ، من 4 ل 6 ساعات يوميا في النظر للشاشة والا استخدامها
الأكاديمية الأمريكية لطب الأطفال (AAP)
1-علاش مايلزمش الصغار يعديو برشا وقت قدام الشاشات ؟
حسب، طبيبة الأطفال العامة في مستشفى الأطفال بجامعة لوما ليندا أليسون هينسلي. هكا يأثر الوقت اللي يعديو الصغار قدام الشاشات:
- يزيد من السمنة في مرحلة الطفولة.
- يزيد من خطر الإصابة بأمراض القلب والأوعية الدموية ، كيما مرض السكري وارتفاع ضغط الدم.
- يزيد من اضطرابات الصحة العقلية.
- وسائل التواصل الاجتماعي، وخاصة بين المراهقين، يمكن أنها تكون خطيرة وتسبب الاكتئاب، والقلق، ومخاطر التعرض للمحتوى العنيف والا غير المناسب للعمر، والاستغلال الجنسي.
2-كيفاش نحميو الصغار و نراقبو أوقاتهم قدام الشاشات ؟
من أهم توصيات الأكاديمية الأمريكية لطب الأطفال (AAP) لاستخدام وسائل الإعلام.
- تجنب أنو أطفال اللي أقل من سن 18 شهر يتغرضو للشاشة.
- الحد من استخدام الشاشة إلى ساعة واحدة يوميا للأطفال اللي تتراوح أعمارهم بين عامين و 5 سنين.
- مرافقة الأطفال اللي تبلغ أعمارهم 5 سنوات وقت اللي يكون يتفرج.
- بالنسبة للمراهقين، من الأحسن تقليل استخدام الشاشات لساعتين في اليوم.
وهذه تنجم تكون خيارات مفيدة تعوض بيها الشاشات للصغار
- سجل صغيرك في نادي لأي حاجة تنجم تطور فيه مهارات مختلفة.
- لعبو ألعاب يدوية.
- إختارلو أي نشاط ينجم يعملو الصغير في الهواء الطلق.
توصي (AAP) الأطفال والمراهقين بالنشاطات البدنية بوقت مايقلش على ساعة, ثلاثة مرات في الأسبوع. باش يتعلم الصغير أهمية أنو يكون عندهم نمط حياة نشط اللي باش يخلي أثر إيجابي على بقية حياتهم.
بلسم العابد
