إذا كان عندك حاجة من هاذوما.. راك تتمتع بذكاء عاطفي !
الذكاء العاطفي ( بالأنجليزية EI) هو القدرة على إدراك، واستخدام، وفهم، وإدارة، والتعامل مع العواطف.
يعني يمكن للأشخاص إللي يتمتعو بالذكاء العاطفي العالي أنهم يتعرفو على مشاعرهم ومشاعر الناس، ويستخدمو المعلومات العاطفية لتوجيه التفكير والسلوك، والتمييز بين المشاعر وتوصيفها بشكل مناسب، وتعديل العواطف للتكيف مع البيئات.
العديد من الأشخاص يتمتعو بذكاء عاطفي بطبعهم مقارنة بغيرهم، ومع هذا فالكلنا نجمو نكتسبو الميزة هذي . الإهتمام بأفكارنا ومشاعرنا والإستماع للآخرين و نلوجو على الحاجات إللي تخلينا نحسو بالامتنان ليها في حياتنا ينجم يساعدنا على تطوير الميزة هذي.
الدراسات تأكد أنو الذكاء العاطفي مهم برشا في تسهيل النجاح، وقتلي أثبتت أنو الأشخاص إللي عندهم الذكاء العاطفي في العادة يتمتعو بحياة اجتماعية أفضل و خير من الناس الاخرين.
في تقرير لموقع “لورنينغ مايند” الأميركي قدم العلامات إللي تدل على هل إنت تتمتع بذكاء عاطفي أو لا ؟
1 القدرة على فهم و تحديد العواطف
الأشخاص إللي يتمتعو بالذكاء العاطفي عندهم إدراك ذاتي، نلقاوهم معروفين بقدرتهم العالية على فهم مشاعرهم، إللي يخليهم ساهل عليهم التعامل مع عواطفهم بطريقة صحيحة.
كيما يستخدمو الأشخاص هاذوما لغة عاطفية تخليهم قادرين على تحديد عواطفهم، مثلا، في عوض استعمال كلمة “سعيد” يستخدمو مجموعة من المفردات إللي تعبر على فرحتهم، كيما “مبتهج” و”فرحان”، كيما تساعد لغتهم هذي على التعامل مع المشاعر السلبية بشكل أكثر فاعلية.
2 القدرة على فهم مشاعر الناس
يستخدم الأشخاص إللي يتميزو بالذكاء العاطفي الإدراك الذاتي لتحديد مشاعر الناس الدايرين بيه، وتسهّل القدرة على فهم شعورهم مهمة تقديم المساعدة والدعم ليهم، و هذا يحسن من العلاقات الإجتماعية مع الأشخاص و تمكنهم من إنشاء علاقات مفيدة .
3 إدخال الفرحة للناس الدايرين بيك
التمتع بالقدرة على التواصل مع الناس يخلي الأشخاص هاذوما قادرين على مراعاة مشاعر غيرهم، خاصة وقتلي يميلو لتذكر تفاصيل حياتهم، كيما خدمتهم واهتماماتهم.
كيما عندهم القدرة باش يخليو الناس المحيطين بهم ييحسو بالسعادة و الفرحة من خلال الاهتمام بالتفاصيل هذي، مثلا أنك تتفكر نوع الورود المفضلة عند شخص ما وتهديهالو هي علامة من علامات الذكاء العاطفي.
4 إدارة الأفكار
الأشخاص الأذكياء عاطفيا يعرفو أنو الأفكار هي مجرد أفكار وماهيش حقائق، هذا يساعدهم على تجنب الحديث في بعض المواضيع أكثر من اللازم.
بالإضافة لأنهم عندهم القدرة على فهم حقيقة أنو الأفكار إللي تدور في مخنا هي السبب وراء الحالة النفسية إللي نعيشوها، على هذا نلقاوهم ديما يتخلصو من الأفكار إللي ما تفيدهمش.
الأشخاص هذوما زادة ما يحبوش يحكيو على الماضي على خاطرهم متأكدين أنهم ما ينجمو يبدلو فيه شيء وأنو التركيز على التجارب السلبية إللي صارت في الماضي يمنعهم من التمتع باللحظة الراهنة.
5 تقدير الباهي في كل شيء
يساعد التوازن العاطفي الأشخاص على تقدير أي حاجة يملكوها و إللي نجمو يحققوه و إلا يوصلولو ومنع الأفكار والمشاعر السلبية من السيطرة على تفكيرهم.
الأذكياء عاطفيا قادرين على التركيز على الجانب الإيجابي في حياتهم و يحققو توازن صحي، وقتلي التفكير في الجانب المشرق من حياتنا و أننا نحسو بالامتنان يساعدو على الخروج من أنماط التفكير السلبي والحالات المزاجية العاطفية السيئة.
إذا كان تتمتع بحاجة من هاذوما راك إنت من الناس إللي تتميز بالذكاء العاطفي .
ولاء الحبلي