أطعمة تحسن الذاكرة
تغير أسلوب الحياة والماكلة, خلى برشا ناس يعانيو من مشاكل في الذاكرة كبار وصغار, وأثبتت مجموعة من الدراسات الغذائية أنو فما أنظمة غذائية معينة وأطعمة تحسن الذاكرة. هذوما بعض الاطعمة اللي ينجمو يعاونونا نحسنو ذاكرتنا:
1) الحوت:
نلقاوه على رأس قائمة الاطعمة اللي تزيد في الذكاء و تقوي الذاكرة, أهم أنواع الحوت اللي يأثر الذاكرة, السردينة والسومون و التن وكلها غنية بعنصر الاوميغا 3 يستخدم العقل الأوميغا 3 لبناء خلايا المخ والأعصاب ، وهي الدهون ضرورية للتعلم والذاكرة. تقول بعض الأبحاث اللي الأشخاص اللي ياكلو الحوت بانتظام عندهم المادة الرمادية في أدمغتهم أكثر . وتحتوي المادة الرمادية على معظم الخلايا العصبية التي تتحكم في اتخاذ القرارات والذاكرة والعاطفة.
2) القهوة:
برشا ناس ما يخطرش على بالهم اللي القهوة تنجم تكون عندها منفعة, رغم اللي نستهلكوها بكميات كبيرة. الكافيين ومضادات الاكسدة اللي تدعم صحة العقل. يحافظ الكافيين على انتباه العقل عن طريق منع الأدينوزين ، وهو كيميائي يخليك تحس بالنعاس, يحسن المزاج ويعزز الدوبامين.
3) الكركم:
التوابل الصفراء الغامقة عندها برشا فوائد للدماغ. ثبت أنو “الكركمين” المكون النشيط في الكركم ، عندو وظيفة الحاجز الدموي الدماغي ، يعني أنو يمكن أن يدخل مباشرة للدماغ ويفيد الخلايا. ويحسن الذاكرة خاصة للأشخاص المصابين بالزهايمر.
سارة البلومي