ماكلة تحسّنلك مزاجك !
فما أشخاص كيف يبداو متوترين ياكلوا برشا أما البعض ميعرفوش اللي فما ماكلة معيّنة تنجم تاكلها بش تحسنلك من مزاجك. نشرت الكاتبة “كايتي ديفدسون” تقرير على موقع “هيلث لاين” الأميركي حكات فيه اللي البحوث تأكد على أهميّة العلاقة بين التغذية والصحة العقلية.
السلمون
حسب مجلّة “Calm and clear” السلمون معبي بفيتامين “ب12” اللي هو فيتامين حيوي بش تبعد على الإكتئاب وتحافظ على صحتك العقليّة.
والسلمون فيه أحماض “أوميغا 3” اللي هي من الدهون المهمّة في ماكلتنا على خاطر مينتجهاش البدن واللي هي عندها دور في نمو المخ.
الفراز
الفراز فيه الفيتامين سي” وهذا اللي يخليه ينتج مواد كيميائية تخلي المخ فرحان .
الفواكه الجافة والحبوب
الفواكه الجافة غنيّة بالبروتينات النباتية والدهون الصحية والألياف، وزيد فيها حمض “التريبتوفان” وهو حمض أميني مسؤول على إنتاج السيروتونين اللي يعدّل المزاج.
فما فواكه جافة كيما الجوز البرازيلي و حبوب الصنوبر و اللوز فيها “الزنك”و “السيلينيوم” واللي هي معادن مهمة في أداء المخ، كيف تبدا مش موجودة ترتفع معدّلات الإكتئاب حسب الكاتبة “كايتي ديفدسون”.
الموز
الموز فيه نسبة كبيرة من فيتامين “بي6” اللي تعاون على توليف الناقلات العصبيّة المحسنة للمزاج كيما الدوبامين والسيروتونين.