علاش مادّة الزعفران غالية ؟
الزعفران من أغلى التوابل في العالم ، يستعملوه في الطبخ أو يستعملوه كمكمل غذائي.
ويقدّر الإنتاج العالمي للزعفران كل عام ب300 طن.
وتعتبر خمسة دولة من أكثر الدول اللي تنتج الزعفران واللي هي إيران ،إسبانيا ،الهند، اليونان،المغرب، وإيطاليا.
وسوم الغرام مالزعفران يوصل ل130 دينار في تونس.
1/علاش غالي ؟
يخرج الزعفران من زهرة أرجوانيّة من عائلة “اريس”، وبش يتم إنتاج رطل من الزعفران يلزم 75 ألف زهرة واللي هي تتطلب 470 ساعة من العمل.
اللي يخلي الزعفران غالي برشا زادة هو اللي زهور الزعفران حسّاسة برشا للشمس ووقت ميتنحاوش خيوط الزعفران في وقتهم تذبل وتولي غير صالحة للإستعمال.
و يتنحاو الخيوط يدويّا وهذا اللي يخلي الانتاج يستحق يد عاملة وهكا سومها يكون غالي أكثر من أي مادّة أخرى.
2/فوائد الزعفران
-بخلاف الطبخ، تستعمل مادّة الزعفران في برشا حاجات مهمة :
-مفيد للجهاز التنفسي ويعاون في التخلص من مرض الربو.
وزيت الزعفران يستعملوه :
-كدواء ضدّ مرض السكرّي على خاطر يعاون في تنظيم مستوى السكر في الدم.
-لزيادة الحيوانات المنويّة عند الرجال و معالجة سرعة القذف.
-يساهم الزعفران في إنو ينقص الإكتئاب اللي يجي للمرأة قبل فترة الحيض بحسب المركز الطبي الأمريكي.
رانية رزيق