أنفع غيرك بكتاب صغيرك
كرطابة تلميذ سادسة ابتدائي تتكلف تقريبا 169.582د حسب معدل أسعار المواد المدرسية الأدنى الموجودة في السوق. بما أنو أسوام الأدوات المدرسية غلات قرر نادي Rotaract أنو يقوم بمبادرة جمع تبرعات من أدوات مدرسية لتلامذة مستحقين تحت شعار “أنفع غيرك بكتاب صغيرك”.
وائل الجايز وأنس بن شيخ العربي جاو لإنجح باش يحكيولنا على المبادرة و يشجعو الناس باش يعاونو الصغيرات المستحقين.هذه موش أول مرة النادي يقوم بمبادرة بمناسبة العودة المدرسية وكل عام يكون الإختيار على مدرسة من ولاية في تونس.الإختيار المرة هذه كان على المدرسة الإبتدائية متاع دقة الجديدة و باش يعاون النادي 120 صغير بكامل الأدوات المدرسية, و من كل مستوى من السنة الأولى حتى السنة السادسة تم إختيار 20 صغير.
باش تعرف أكثر تفاصيل على الحملة تفرج في الفيديو
بلسم العابد