بيزنيس الغش في الماكلة
تركيبة و أصل غالط وجود مواد غير قانونية و ضارة …استبدال مكون بمكون آخر …
أنواع غش مختلفة للماكلة ما يفلت منها حتى منتج.
في تونس بالرغم من حملات المراقبة إللي تقوم بيها مصالح وزارة الصحة و وزارة التجارة والشرطة البلدية إلا أنو السلطات التونسية ما تقومش عادة بنشر نتائج الرقابة على المنتجات الإستهلاكية .
دول أخرى إكتشفت غش كبير في العديد من المواد الغذائية.
في عام 2021 صارت عملية Opson X إللي قام بيها الإنتربول و وكالة الشرطة الأوروبية يوروبول في 72 بلاد على 15ألف و 400 طن من الماكلة المغشوشة في الكحول ومنتجات الحبوب.
- الغش في زيت زيتون
78% من 122 عينة مأخوذة من زيت الزيتون إللي تم تسويقها في فرنسا عام 2019 تم تصنيفها على أنها “غير قانونية” .
- كيوي مغشوش
السوق هذا يقدر في فرنسا ب 6 ملايين يورو.
آخر عام 2016 إدارة تابعة لوزارة الإقتصاد الفرنسية المسؤولة على اكتشاف الغش في الماكلة أنجزت تقرير على شركة تسمي الكيوي الإيطالي “أصل فرنسي” بهدف بيعها بسوم أغلى و بعد عامين من التحقيق 7 شركات سكرو بسبب الغش في أكثر من 15 ألف طن من الفاكهة و تقريبا 12٪ من الكيوي المباع بين عام 2016 و عام 2018 كان مغشوش.
- الغش في التن
بين أفريل وجويلية 2017 إكتشفت السلطات الفرنسية 189 حالة تسمم غذائي كيما فما 154 حالة مماثلة في إسبانيا .
حالات التسمم هذي كان سببها إستهلاك تن يحتوي على مستويات هيستامين عالية إللي يدل على فسادها لكن يزيدوها مكونات تخليها تكون طازجة و يزيدوها مكونات تعطيها لون أحمر.
- الغش في العسل
بالنسبة للعسل كانت 43٪ من المنتجات إللي تم تحليلها في عام 2017 “غير مطابقة للمواصفات” وين تم الإشارة إلى إضافة السكر لكن كيما في تونس فرنسا عادة لا تنشر أسماء الشركاتو المواد المعنية بالغش.
“على عكس بلدان أخرى كيما إيرلندا ، نادرا ما ينشر DGCCRF الفرنسي أسماء المنتجات أو العلامات التجارية أو أماكن البيع الاحتيالية ،فما نقص حقيقي في الشفافية تجاه المستهلكين”.
إنغريد كراغل : مديرة الإعلام في المنظمة غير الحكومية Foodwatch
- الغش في الحليب
في سنة 2008 تم إكتشاف “الميلامين” إللي تم إستعمالو في الحليب في الصين و كانت فضيحة كبيرة خاصة بعد تسمم مئات الآلاف من الأطفال لاستهلاكهم الحليب المجفف إللي تبيعو علامة تجارية صينية كبيرة .
كان الحليب ملوث بالميلامين و تم نقل أكثر من 50 ألف طفل للسبيطار و6 منهم فارقو الحياة.
و إنت هل عشت مرة تجربة مواد مغشوشة ؟
باش تزيد تتعرف على المواد هذي تفرج في الفيديو كامل
ولاء الحبلي