علاش أكثر من 10 الاف هارب من تونس بسبب الشيكات ؟
أكثر من 10800 تونسي هارب من أرض الوطن بسبب شيكات دون رصيد.
أحكام كبيرة لأصحاب الشيكات دون رصيد خلات الآلاف من التوانسة يهربو من البلاد حسب ما أكد لإنجح عبدالرزاق حواص الناطق الرسمي
بإسم الجمعية الوطنية للمؤسسات الصغرى و المتوسطة.
مساجين الشيكات يتكلفوا برشا فلوس على الدولة !
في 2020 فما أكثر من 980 ألف قضية شيكات. مسجون واحد في قضية شيكات (بقيمة 6 ملاين) يتكلف على الدولة التونسية في السجن أكثر من 64 ألف دينار ! الصادم أنو بعض الأحكام وصلت لأكثر من 1300 سنة سجن لأصحاب مؤسسات دفعت شيكات ضمان بدون رصيد.
الحلول لأزمة الشيكات ؟
وحسب عبدالرزاق حواص ثلاثة حلول تنجم تساعد في حل أزمة الشيكات :
- رفع العقوبة السجنية باش المساجين تنجم تخلص دينها.
- الصك الإلكتروني الي يخليك ماتنجمش تعطي شيك مافيهش رصيد.
- الشيك ضمان الي يعوض الكمبالية.
وفي حال عدم الخلاص يكون العقاب عن طريق العقل و حجز الأملاك و موش الحبس باش تفهم أكثر مشكل الشيكات دون رصيد الحلول المقترحة.
كل التفاصيل على ملف الشيك بدون رصيد في تونس في الفيديو
بلسم العابد