عارضات أزياء تونسيات وصلو للعالمية
مجال عروض الأزياء من أصعب المجالات للشهرة وأكثر المجالات اللي تفرض معايير صارمة تخص الجسم والملامح, لكن برشا تونسيات نجحو باش يفرضو أسمهم في المجال هذا ويتعاملو مع أكبر المصممين والماركات العالمية.
1- عفاف جنيفان
أول عارضة أزياء تونسية تعرف شهرة عالمية, انطلقت مسيرتها في التسعينات من فرنسا من بعد انتقلت لايطاليا وين تعاملت مع أنجح المصممين كيما “جورجيو أرماني”,روبرتو كافالي و” كارل لاغرفيلد”. كيما كانت ليها مشاركات في التنشيط التلفزي في ايطاليا وفي برنامج “Project Runway Middle East “.
2- ريم السعيدي
كانت انطلاقتها من المسابقة العالمية لعارضات الأزياء International Elite Model لسنة 2003 اللي مثلت فيها تونس. شاركت في مسلسل تلفزيون الواقع Mission Fashion اللي قدملها شهرة عربية, بعد تعاملها مع المصمم اللبناني إيلي صعب اللي كان ضمن لجنة التحكيم .
انتقلت ريم للعالمية بعد تعاملها مع دار “ديور”, “فيندي” و”شوبار” وغيرهم من دور الأزياء الشهيرة وولات ما تغيبش على أسبوع الموضة بباريس, نيويورك وميلانو.
3-هناء بن عبد السلام
بدات مسيرتها عام 2011 بعرض ل Vivienne Westwood اللي قدمها للعالمية, من بعد تعاملت مع المصمم التونسي “عز الدين عليا “والايطالي “ريكاردو تيكسي”. ظهرت على غلاف مجلة “vogue” وأصبحت أول وجه عربي لماركة Lancôme الفرنسية.
4-سنية بن عمار
هي بنت المنتج التونسي “طارق بن عمار”, بدات مسيرتها عام 2015 في عمر 16 سنة وتعاملت مع وكالات عارضات الأزياء في أمريكيا وفرنسا. شاركت في عروض Dolce and Gabbana و Miu Miu, كيما ظهرت في كليب الفنان العالمي Calvin Harris و Sam Smith .
مثلت مؤخرا في فيلم الرعب الأمريكي Scream في جزؤو الأخير اللي تم عرضو في بداية 2022.
باش تعرفو أكثر تفاصيل,تفرجو في الفيديو.
سارة البلومي