اعلاش العمرة وصلت ب7 الاف دينار ؟
في 2022 وصلت تكلفة العمرة ل 7 آلاف دينار و من المتوقع أنو في النصف الثاني من رمضان, أنو توصل ل 9 آلاف دينار ..هكا حكى جابر بن عطوش رئيس الجامعة التونسية لوكالات الأسفار والسياحة لإنجح نيوز .
أسباب غلاء سوم العمرة :
حسب ما صرح وزير الشؤون الدينية إبراهيم الشايبي, أنو 11 من أصل 49 وكالة أسفار تحصلت على تراخيص وهذا الي تسبب في غلاء الأسعار .
1- 4 عقود فقط لتونس : بداية موسم 2022 كانت ب 4 عقود فقط لوكالات الأسفار ووصلت في آخر مارس ل 11 عقد من أصل 49 وكالة .
2- التأخر في الدخول للسوق :الخطوط الجوية التونسية و الطيران الخاص التونسي دخل في سباق العمرة متأخر, الشي الي عطى الفرصة لشركات الطيران الأجنبية أنها تحتكر السوق و الي أدى لغلاء أسعار التذاكر .
3- ارتفاع أسعار النقل : إرتفاع أسعار الوقود الأخيرة وزيادة في سعر التذاكر و التأشيرة أثرت على أسعار الطيران بصفة عامة .
الحل باش الأسوام تنقص
من أهم الحلول باش الأسوام تنقص تنويع العقود الي باش يأدي للمنافسة و بالتالي إنخفاض الأسعار وتوفير العملة الصعبة وإعادة توزريع الأعمال بطريقة جديدة على وكالات الأسفار
هل نقص عدد المعتمرين بسبب غلاء التكلفة ؟
رغم غلاء الأسعار مازال الطلب من المعتمرين كبير على العمرة ووصل عددهم الموسم هذا بين 50 و 70 ألف معتمر في حين أنو عدد المقاعد المتوفرة و التأشيرات المتوفرة ما تناسبش العدد هذا
باش تعرفوا أكثر تفاصيل على أسوام العمرة في 2022 تفرجوا في الفيديو
بلسم العابد