رحلة تبدلت فيها حياتهم
توانسة وصلو حقو اللي حبو عليه وغرامهم و خلاهم ريادي أعمال ناجحين, لكن فما حاجة فارقة في نجاحهم رحلة خلاتهم تعرفو على ذاتهم و غرامهم. كانو ضيوف إنجح في حياتك مع حمزة البلومي و حكاو على أهمية الرحلات هذه في مسيرة كل واحد فيهم.
1-نبراس الجمل مؤسس الشركة الناشئة Flouci
رغم اللي عمرو 25 سنة تعلم نبراس الذكاء الإصطناعي في الليسي و من الكتب, شارك في مسابقة في الليسي وهي اللي خلاتو يمشي للمشاركة في أمريكا وكانت السبب باش يطور من روحو ويعمل حاجة يكون بيها فخور بروحو.
2-رامي الكلبوسي مؤسس Seabot
في عمر 20 سنة دخل عالم ريادة الأعمال عن طريق الروبوتيك البحري ,الروبوتات المائية اللي تخدم على جمع المعطيات في البحار وتساعد في البحوث. بدا رامي غرامو من المعهد وين دخل لنوادي الروبوتيك اللي طورت فيه برشا مهارات ومن مسابقة في عام 2019 خذا منحة للدراسة في أمريكيا و غادي حياتو تبدلت.
3-هيثم كشو مؤسس تطبيقة Reeds
بعد ما قرا السيرة الذاتية لستيف جوبز فهم انو حتى الناجحين تعداو بفشل باش نجموا ينجحوا و قرر يعمل كيفهم بعد محاولات أطلق تطبيقة البودكاست التونسي Reeds هيثم حكا أنو نشاطو في المجتمع المدني عاونو باش يعيش تجربة رحلتو لأمريكا.
المجتمع المدني, النوادي في الليسي و المعاهد حلتلهم عينيهم على أهمية السفر و شنوة تتعلم وإنت صغير وهكا رحلة خلاتهم ريادي أعمال ناجحين في عمر صغير .
باش تعرف أكثر تفاصيل تفرج في الفيديو
بلسم العابد