هكا باش يكون ملعب المنزه الجديد !
10 جوان 2022 بدات أشغال تهيئة و صيانة الملعب الأولمبي بالمنزه بإشراف من وزارة التجهيز والإسكان مع وزارة الشباب و الرياضة. أشغال التهيئة باش تدوم 900 يوم وباش تتكلف 100 مليون دينار .
1-الإصلاحات
باش يتم إستبدال المدارج و تجديد كل الشبكات متاع تصريف المياه داخل الملعب باش يتم زادة تجديد شبكة الكهرباء وشبكات ري العشب شبكات الماء البارد و الماء الساخن الكلها باش تتبدل. باش يتم إحداث فضاءات جديدة, فضاء للإعلام وللصحافة, نفق لللاعبين باش يدخلو بصفة مباشرة للمعب. كيف كيف المنصة الشرفية باش تتبدل.
2- أهمية ملعب المنزه
ملعب المنزه عندو رمزية كبيرة عند التوانسة, تبنى الملعب سنة 1967 بمناسبة ألعاب البحر الأبيض المتوسط. تبلغ طاقة استيعابه 45 ألف متفرج .إحتضن أهم الأحداث الرياضية منهم كأس الأمم الإفريقية لكرة القدم سنة 1994 والبطولة في 2004. هو الملعب اللي شهد على المباراة التاريخية ضد مصر اللي ترشحت فيها تونس في تصفيات كأس العالم 1978 غير المباريات المصيرية شهد ملعب المنزه على حفلات كبار كانو حاضرين فيهم نجوم عالميين كيما مايكل جاكسون عام 1996 و ماريا كاري عام 2006.
باش تعرف أكثر تفاصيل على تجديد ملعب المنزه تفرج في الفيديو
بلسم العابد