مهارة تحل برشا بيبان
تعتبر القدرة على التواصل بأكثر من لغة مع الناس مهارة تحل البيبان وفرصة في الحياة الشخصية والا المهنية. كيفاش تعلم أكثر من لغة يحل البيبان ؟ و في شنوة ينجم يعاون ؟
1-تعزز القدرات العقلية
أثبتت الدراسات أنو الأشخاص اللي يحكيو أكثر من لغة عندهم القدرة على حل التحليل و التفسير أكثر من الأشخاص الآخرين. تعدد اللغات يغذي العقل ويقوي الذاكرة . أثبت زادة أنو الناس متعددة اللغات عندها القدرة على التركيز أكثر .
2-يحل البيبان للحياة المهنية
يمكن أنو تكون المهارات اللغوية ميزة تنافسية كبيرة تميّز الشخص على غيرو , وتعتبر اللغة وحدة من أفضل 8 مهارات مطلوبة في كل الوظائف بغض النظر على القطاع أو مستوى مهارة الشخص في التخصص المطلوب. بوبكر سيالة صانع أول كرهبة تونسية تخدم بالطاقة الشمسية حلمو كان أنو يتقن اللغة الإنجليزية خاطرها كانت تحرقلو برشا مراحل تعبتو و هكا نصح الناس في إنجح في حياتك “حاول اعرف اللغات …احتك بالناس و ما تخافش منهم”.
حاول اعرف اللغات …احتك بالناس و ما تخافش منهم
بوبكر سيالة مؤسس باكو موتورز
3- يعاون في السفر
المسافرين اللي يعرفو أكثر من لغة تكون عندهم أكثر قدرة على التواصل، والتفاعل مع الأماكن والأفراد، كيما ينجم يولي السفر أرخص وأسهل وقت اللي تتقن لغة أجنبية وإذا كان الشخص على معرفة ببعض المصطلحات للغة البلد اللي مشالها ينجم يلقى بلايص تتناسب مع ميزانيتو .
بلسم العابد