مهارة الإقناع
من أهم المهارات اللينة اللي تستحقهم في الخدمة في حياتك اليومية هي مهارة الإقناع. كيفاش تكون مقنع ؟ و شنية تقنيات التواصل اللي تستعملهم ؟ أسماء السالمي المدربة في مجال المهارات تحكي لشبكة إنجح على مهارات التواصل.المفردات و الكلمات اللي نستعملوهم في الخطاب متاعنا يمثلو 7% كهو من أنو المعلومة تتعدى لكن 93% يعتمد على التواصل غير اللفظي ويتمثلو في تعابير الوجه , الصوت ولغة الجسد.
1-تعابير الوجه
كل إنسان قادر بوجهو يخرج 250 ألف تعبير وماغير ماتقول حتى كلمة قادر أنو توصل المعلومة بمجرد تعبير خلي ردود الفعل متاعك معبرة وكون متفاعل مع الشخص الآخر
2- الصوت
نعتمدو في الصوت على أكثر من حاجة باش نطورو في مهارة الإقناع كيما مستوى الصوت لازمك مرات تطيح في الصوت باش تجلب الإنتباه ومرات العكس تطلع في الصوت باش تجلب الإنتباه. الحاجة الثانية هي النسق متاع الكلام مرة إزرب ومرة أحكي بالشوية باش تجلب الإنتباه لحاجة مهمة تحب تقولها.
3- لغة الجسد
لازم الوضعية اللي قاعد فيها تكون باهية و الظهر ديما مستوي باش تكون مرتاح وإنت تحكي . الإيدين مرات يوصلو معلومة أما موش لازم زادة يتحركو برشا.
باش تعرف أكثر تفاصيل تفرج في الفيديو
بلسم العابد