لوين يهزك الباسبور التونسي بلاش فيزا؟
جواز السفر التونسي تصنف في المرتية ال73 في ترتيب جوازات السفر في العالم حسب عدد الدول اللي يسمحلك تدخلها من غير فيزا.
برشا وجهات سياحية من بين الأفضل في العالم, ينجمو يزوروها التوانسة من غير فيزا أو بفيزا وقت الوصول أو فيزا الكترونية.
1- وجهات تسافرلها من غير فيزا
38 دولة من أهم الوجهات السياحية ينجم يهزك ليها الباسبور التونسي من غير فيزا نهائيا من بينها البرازيل,الإكوادور,اليابان, كوريا الجنوبية, هايتي ,جزر كوك وجزر العذراء البريطانية.
2-دول تتطلب تأشيرة عند الوصول
33 دولة ينجم يسافرلها التونسي ويتحصل على فيزا صالحة لمدة 3 شهور وقت يهبط في المطار. الفيزا هذي ما تستحقش انو المسافر يعمل مطلب مسبق للفيزا والا يمشي للسفارة او القنصلية.
من بين الدول اللي تتطلب فيزا عند الوصول ,جزر المالديف, سيشيل, نيكاراغوا جزر القمر وكامبوديا
3- دول تتطلب تصريح سفر إلكتروني
تصريح السفر الالكتروني هو من بين أسهل تأشيرات السفر. يكفي أنو المسافر يقدم مطلب إلكتروني للدولة اللي يحب يسافرلها وينجم يقدم الوثائق المطلوبة ورسوم التأشيرة على الانترنت وهو اللي يوفرلو أقل وقت وأقل تعطيل في الحصول على الفيزا.
الجواز التونسي يوفر للتوانسة 23 وجهة حول العالم بالتأشيرة هذي أهمها, أستراليا,ألبانيا, الامارات كولومبيا وسنغافورة.
باش تعرفو أكثر تفاصيل على الدول اللي تنجم تسافرلها بلاش فيزا, تفرجو في الفيديو.
سارة البلومي