كيفاش تحقق أهدافك ؟
الفشل في أغلب الأحيان يخلق فرصة جديدة لتحقيق الأهداف و ينجم يكون هو الخطوة الأولى الي نجمو نبنيو باها النجاح متاعنا ..
حسب دراسة ل”جامعة سكرانتون” بولاية بنسلفانيا كشفت الي 8 بالمائة أكهو من الناس الي ينجمو يحققوا أهدافهم ” وهي نسبة ضئيلة تخلينا ندركو كمية المعضلات الي ينجم يتعرضلها الانسان و الي تمنعو انو يحقق الأهداف متاعو .
و هذي جملة من الخطوات الي تنجم تبعها و الي تنجم تعاونك باش تحقق أهدافك.
1-تقبل الفشل
الفشل ما ينجم يكون أخر الطريق إلا في صورة عدم تقبله بالعكس هو بداية النجاح لأنو يخلق نوع من الإصرار والتحدي لإعادة خلق فرصة ثانية لتحقيق الهدف.
2- تدوين الأهداف
–يلزمك تكون فاهم روحك و محدد الأهداف الي تسعى انك تحققها .
–تقيدهم وترتبهم من الأهم لأقل أهمية .
-قدام كل هدف تقيد موعد محدد للوصول ليه و هي حاجة تزيد تخلق الرغبة ونوع من التحدي للوصول للهدف في الوقت المطلوب.
–تقييد الأهداف يعتبر حافز باش يشجعك و يخليك ترا أهدافك بكل وضوح.
3- التخطيط الجيد
من المهم اننا نخططو لأهدافنا ونطرحو التساؤلات بخصوص التفاصيل الي باش تخلينا نوصلولهم.
كيفاش نجم نوصل للهدف شنوة لازمني نعمل بالضبط و وقتاش لازمني نحققو ؟
ومن الضروري زادة انك ديما تراجع التخطيط و تزيدلو شوية اصلاحات اذا كان يستحق .
4- تاثق في روحك و تامن باها
انك تأمن بروحك و تسكر وذنيك على كلام الناس الي يهدف لتقزيمك هو دليل ثقتك بروحك و تقديرك لذاتك و قدرتك على تحقيق اهدافك رغم صعوبتها .فمتسمعش الكلام اللي يفشلك و الا يطيحلك الهواء وأسمع كان صوتك الدخلاني
و الناس المؤهلين لنصيحتك.
رحمة القارصي