كواليس ومستجدات قضية بالقاسم
الناس الكل تفاعلت مع تحقيق “الاغتصاب الطاهر” اللي بثو برنامج الحقائق الأربع نهار 17 ماي 2022, التحقيق كشف حقائق صادمة حول تعرض أكثر من 900 طفلة للإغتصاب من شخص يدعى بالقاسم بعد إيهامهم اللي عندو مني طاهر قادر على علاجهم من السحر وبرشا أمراض أخرى.
مستجدات القضية
الصحفي ببرنامج الحقائق الأربع خليل زروق أكد لإنجح أنو مباشرة بعد بث الحلقة تمكنت السلطات الأمنية من القبض على المتحيل بلقاسم وإيقافو, كيما تقدمو بعض الضحايا بشكايات ضدو بعد ما عرفو اللي وقع التحيل عليهم. وبعد الاشاعة اللي خرجت على انو بلقاسم مصاب بالسيدا, رافق فريق الحقائق الأربع زوز من ضحايا بلقاسم للتحليل وتبين انهم لباس وماعندهمش مرض السيدا.
كواليس التحقيق
أثناء إنجاز الموضوع, توقع فريق البرنامج أنها وحدة من الصفحات الكاذبة, لكن بعد الاتصال بالمتحيل تبين أنو الموضوع جدي, إتصلت صحفية بالمتحيل و أوهمتو أنو عندها مشاكل في الزواج, المتحيل قلها أنو عندها سحر ولازم ىيتم علاجو بحصص جماع سومهم 210 دينار.
أكثر من 900 ضحية!
أكد الصحفي خليل زروق أنو عدد ضحايا بلقاسم هو اللي أقر بيه ومن الممكن أنو يكون عدد مبالغ فيه استعملوا المتحيل لإقناع الضحايا, لكن الأكيد أنو عدد الضحايا بالعشرات يقنعهم بعلاجهم وإذا وحدة منهم قررت تبطل يهددها بفيديوات.
كيفاش يقنع ضحاياه ؟
المتحيل بلقاسم عندو مهارة كبيرة في إقناع الضحايا أنهم في حاجة ليه, ومن بين ضحاياه نلقاو نساء مثقفات ونساء يقراو في الجامعة نجم بلقاسم يقنعهم ويوقع بيهم, كيما أكد الصحفي خليل زروق انو هاذي موش أول مرة يتطرق برنامج الحقائق الأربع لمواضيع المشعوذين المتحيلين, لكن المجتمع التونسي يأمن برشا بيهم و بقدرتهم على المداواة
باش تعرفو أكثر تفاصيل حول قضية بلقاسم, تفرجو في الفيديو.