قداش يلزمك فلوس باش تأسس الشركة متاعك ؟
من وقت الي تم إنشاء إطار قانوني لدعم الشركات الناشئة في تونس “start up Act” في 2018 ,برشا شباب نجحوا في تحويل أفكارهم لمشاريع . من 2018 قانون الشركات الناشئة مكن من إحداث بمعدل 25 شركة ناشئة شهريا في عدة مجالات . 93 % من الشركات الناشئة أسسها شباب أعمارهم بين 20 و 35 عام الي نجحو في الانتشار على المستوى الإقليمي والعالمي , الشي الي شجع الشباب الي عندهم أفكار لكن تعيقهم الفلوس للتنفيذ . عبدالرحمان المصمودي مؤسس CrocoCoder حكى لشبكة إنجح كيفاش نجم يأسس شركة ناشئة كاميرا, ميكرو و حاسوب .
الميزانية اللازمة لتأسيس شركة ناشئة
الميزانية الأولى الي ينجم يبدا بيها مؤسس شركة ناشئة هي 1500 دينار لخلاص الإجراءات القانونية لإنشاء الشركة والا الإجراءات كيما الرعاية , التعريف بالمنتوج والا الخدمات الي تقدمها الشركة .
المجالات الي تتطلب ميزانية بسيطة:
من أهم المجالات الي تنجم تكون البداية في تأسيس شركة ناشئة فيها بميزانية بسيطة هي تطوير البرمجيات والخدمات ، التجارة الإلكترونية ، التعليم والتكنولوجيا، تكنولوجيات التمويل.
باش تعرف أكثر تفاصيل على كيفاش تأسس شركة ناشئة بميزانية بسيطة تفرج في الفيديو
بلسم العابد