عندهم “القدوة” اللي خلاهم يحلمو بالكبير !
هوما مؤسسي شركات ناجحين إختارو يكون عندهم قدوة و يتبعو مسيرة الناس الناجحة و يستلهمو منهم. كانو ضيوف حمزة البلومي في إنجح في حياتك وحكاو على قدوتهم في النجاح.
1-شهرزاد الرمادي مؤسسةWant to trip
هي اللي غرامها بالسفر ولى خدمتها وين توري للناس وين مشات ؟و شكون اللي عاونها؟ و تنصحهم في السفر شنية يعملو؟ شهرزاد بدات تدون على خاطر تبعت ناس غرامها السفر و تدون وبالنسبة ليها الإلهام هو سر من أسرار النجاح وأنو نتبعو ناس عملت غرامنا قبلنا يعاونا باش نحلو عينينا
2- بوبكر سيالة مؤسس Bako motors
هو اللي صنع أول كرهبة تونسية تخدم بالطاقة الشمسية, الإلهام متاعو كان كرهبة هندية إلكترية اللي خلاتو يقدم في حلمتو . شعار بوبكر كان “إحلم بالكبير” هذاكا علاش يحلم يكون كيما القدوة متاعو في مجالو “إيلون ماسك” مؤسس “تيسلا”.
3-هيثم كشو مؤسس Reedz
بعد ما قرا السيرة الذاتية لستيف جوبز خلاه يحلم يتعدى بالمراحل اللي تعدى بيها حتى الفشل..بعد محاولات فاشلة أطلق تطبيقة البودكاست التونسي REEDZ اللي عليه اليوم المئات من الكتب و الملخصات الصوتية. فهم هيثم من قدوتو أنو الفشل مرحلة من مراحل النجاح ونهار اللي تعدى بمرحلة الفشل عاونو القدوة متاعو باش يلوج على طرق أخرى يوصل بيها للثنية الصحيحة.
بلسم العابد