شنوة أهمية الاعداد الذهني لفريقنا الوطني؟
الاعداد الذهني هو خطوة ما تقلش أهمية على الاعداد البدني خاصة بالنسبة للرياضيين المحترفين بسبب تعرضهم الدائم للضغط وللانتقادات. وأبعد من هذا, الاعداد الذهني ينجم يحسن من مستوى اللاعبين في الملعب, هذا اللي حكاتو المعدة الذهنية للفريق الوطني “إشراف قنفود” لانجح تونسية.
كيفاش يتم التدريب هذا وشنوة أهميتو؟
1) أهمية التدريب الذهني
الاعداد الذهني هو نوع من التدريب اللي يصير على الرياضيين قبل أي مباراة أو بطولة لوضع اللاعب في حالة ذهنية تسمحلو بتحسين مستواه في اللعب وتنمي ثقتو في نفسو. التدريب هذا ينجم يصير حتى قبل بأشهر من المباراة وين يتدرب اللاعب على التحكم في العوائق, طريقة التفكير متع الرياضي و التحكم في الضغط.
2) عوامل تأثر أداء اللاعب
- مواقع التواصل الاجتماعي وخاصة التعليقات السلبيىة عندها تأثير كبير على اللاعبين, اللاعب يبقى انسان عندو عايلة والمشاعر يعني حملات السخرية والتنمر اللي تصير عليهم تسببلهم خوف وقلة ثقة.
- الاصابات اللي يتعرضلها اللاعب وقت المباراة أو وقت التدريبات تنجم تأثر زادة على مردودو في الملعب. وتسببلو الخوف على بدنو وبالتالي ما يقدمش 100% من الأداء متاعو.
- الضغط اللي يقدمو المدرب أو العايلة للاعب بسبب الالتزام بعقد معين.
باش تعرف أكثر تفاصيل على الفريق الوطني,تفرج في الفيديو.
سارة البلومي