شنوا أهم فوائد الرضاعة الطبيعية ؟
هي ظاهرة ولات موجودة جديد, برشا أمهات ماعادش ترضع صغارها و تتوجه لحليب الحكة ونساو أهمية الرضاعة الطبيعية.
1-علاش الرضاعة الطبيعية مهمة ؟
من أهم فوائد الرضاعة الطبيعية هي الرابط النفسي و العاطفي اللي تعملو بين الأم و صغيرها كيما وقت الولادة الحبل السري يربط بين الأم و إبنها بعد الولادة الرابط هو الرضاعة الطبيعية. حليب الأم هو حليب صالح في كل زمان و مكان, مافماش خوف من جراثيم والا إنتقال عدوى للصغير وحليب الأم موش مكلف و مايتطلبش فلوس.
هذم أهم فوائد حليب الأم :
- يقوي جهز المناعة
يساعد على الحماية من الأمراض المختلفة والحماية من الأمراض المعدية على وجه الخصوص، خاطر حليب الأم فيه عناصر هامة منها اللاكتوفيرين والليزوزومات، و الأحماض الدهنية والكربوهيدرات وأهم الفيتامينات والمعادن.
- يحمي الجهاز الهضمي
تساعد الرضاعة الطبيعية على تحسين آداء الجهاز الهضمي للصغير ، على خاطر حليب الأم يحتوي على الأنسولين والكورتيزول و الأحماض الأمينية، اللي عندها دور كبير في تطور الجهاز الهضمي للطفل، اللي يحد من الإصابة بالالتهابات المختلفة في الجهاز الهضمي، والتقليل من حالات الإمساك والإسهال والاضطرابات اللي ينجم يتعرضلها الصغير في مرحلة نموه في الأشهر الأولى من عمرو.
- تغذية الصغير
توفر الرضاعة الطبيعية للصغير الفيتامينات والمعادن الازمة منها البروتين والكالسيوم، بالإضافة إلى الدهون الصحية وفيتامين أ اللي يساعد على تغذية الطفل بشكل جيد.
- الوقاية من الأمراض المزمنة
الرضاعة الطبيعية تساعد على الوقاية من الأمراض المزمنةموش في مرحلة الطفولة كهو، لكن تحميه من التعرض للأمراض السرطانية في مرحلة الطفولة وخاصة سرطان الدم. تقيه زادة من الإصابة بالأمراض القلبية.
2-علاش لازم نبعدو على حليب الحكة؟
يعزز حليب الحكة الحساسية لبروتينات حليب البقرة , يأثر على النمو متاع الصغير و إذا تركيز الحليب غالط ينجم يعمل مشاكل ويسبب سوء هظم عند الصغير. وينجم يأثر على النمو الذهني متاعو.
طبيبة الأطفال إيناس بن يعقوب كسراوي كانت ضيفة إنجح و حكات على أهمية الرضاعة الطبيعية باش تعرفو أكثر تفاصيل على شنوا ينجم يصير لصغيرك لو كان ما ترضعوش طبيعيا ؟ تفرج في الفيديو .
بلسم العابد